Zaharova dezinformon: NATO po përdor Ukrainën kundër Rusisë

Portali pro-rus Politika raportoi deklaratën e Maria Zakharova, përfaqësuese e Ministrisë së Punëve të Jashtme ruse, e cila akuzon NATO-n se ka abuzuar me Ukrainën në gjoja interesat e saj anti-ruse. Kjo deklaratë pasqyron politikën dezinformuese të nga Rusisë.

Çfarë tha Zakharova:

“NATO përdor Ukrainën në interesat e saj anti-ruse për Perëndimin, tha përfaqësuesja e Ministrisë së Jashtme ruse, Maria Zakharova, duke komentuar fjalët e sekretarit të Përgjithshëm të Aleancës, Jens Stoltenberg.

Për të, Ukraina është një mjet për zbatimin e kursit antirus të NATO-s. E ardhmja e Ukrainës është me interes ekskluzivisht në këtë kontekst. Ata nuk janë aspak të interesuar për të ardhmen e ukrainasve”, komentoi Zakharova.

Analiza:

Deklarata e Zakharovës është pjesë e një strategjie më të gjerë propagandistike ruse që përpiqet të diskreditojë NATO-n dhe ta portretizojë atë si një forcë armiqësore që abuzon me Ukrainën. Politika, si ndërmjetëse në transmetimin e kësaj deklarate, jo vetëm që transmeton këtë propagandë, por inkurajon edhe përhapjen e mëtejshme të mosbesimit dhe tensioneve mes Rusisë dhe Perëndimit. Pavarësisht përpjekjeve të Rusisë për të krijuar një imazh se Perëndimit nuk i interesojnë interesat e Ukrainës, realiteti është më kompleks. Perëndimi mbështet sovranitetin dhe integritetin e Ukrainës dhe ndihmon në forcimin e aftësive të saj mbrojtëse,që prej agresionit të paprecendent rus nga shkurti 2022./The Geopost/