Bocan Harchenko dezinformon: Perëndimi po mundohet të gjunjëzojë Rusinë, përmes rezolutës për Srebrenicën

Ambasadori i Rusisë në Serbi, Aleksandar Bochan Harchenko, ka hedhur teori konspirative për një luftë të supozuar hibride kundër Rusisë, ndërsa ka akuzuar Perëndimin për imponimin e rezolutës ndaj Srebrenicës. Deklaratat e tij, të cilat nxisin frikë dhe mosbesim ndaj Perëndimit, janë pjesë e propagandës më të gjerë ruse që synon justifikimin e ndërhyrjeve ruse dhe destabilizimin e rajonit.

Çfarë tha Bocan Harchenko dhe raportoi portali Veçernje Novosti:

“Ambasadori i Rusisë në Beograd, Aleksandar Bocan Kharchenko, tha sonte se Perëndimi po përpiqet në çdo mënyrë të shtyjë rezolutën për Srebrenicën. Është pjesërisht një politikë globale dhe për sa i përket Rusisë, është pjesë e një lufte hibride kundër vendit tonë, për t’i shkaktuar Rusisë një disfatë strategjike për t’i hequr dinjitetin popullit dhe për ta gjunjëzuar. Është një sulm ndaj ruajtjes së sovranitetit”.

Analiza:

Pretendimet e Harçenkos nuk kanë asnjë bazë,pasi rezoluta për Srebrenicën përfaqëson një përpjekje për t’u përballur me të kaluarën dhe për të njohur viktimat e gjenocidit, jo një shtrembërim të historisë siç thotë ai. Për më tepër, akuzat për një “pakicë perëndimore” që imponon rregullat e veta, shpërfill faktin se vlerat perëndimore janë themeli i rendit ndërkombëtar dhe respektimi i të drejtave të njeriut. Deklaratat e Harchenkos duhen kuptuar si pjesë e një fushate më të gjerë propagandistike ruse që përpiqet të justifikojë agresionin rus dhe të destabilizojë rajonin.
Harchenko vë në dukje përpjekjet për të shtrembëruar historinë, veçanërisht kur bëhet fjalë për rolin e Serbisë dhe Rusisë, gjë që tregon gjithashtu përpjekjet ruse për të destabilizuar rajonin. Studimet dhe analizat e organizatave ndërkombëtare, si NATO dhe BE, tregojnë se është Rusia ajo që është e përfshirë në mënyrë aktive në operacione hibride, duke përfshirë dezinformimin, sulmet kibernetike dhe propagandën, për të minuar proceset demokratike perëndimore. Përmes kësaj dezinformate, Harchenko synon të rishkrimin e historisë për të justifikuar agresionin rus në Ukrainë./The Geopost/