Presidenti i Republikës Srpska, Milorad Dodik, ka dezinformuar pavarësisht faktit se OKB ka miratuar Rezolutën për Gjenocid në Srebrenicë duke thënë se OKB-ja nuk e mbështeti atë dhe se nuk e ka arritur shumicën.
Çka deklaroi Dodik?
“Në Asamblenë e Përgjithshme të OKB-së as që kanë arritur të kenë shumicë, që do të thotë se kjo është një rezolutë e dështuar për Srebrenicën. Rreth 110 vende nuk votuan, ishin kundër ose abstenuan. Kjo është një rezolutë e dështuar dhe kjo do të thotë se OKB-ja nuk e mbështeti atë. Plani i tyre për të imponuar gjenocid dhe skualifikim moral mbi serbët dështoi”.
Analiza:
Kjo është një tentativë tjetër e Dodikut për të vazhduar me mohimin e gjenocidit dhe për të mos e marrë përgjegjësinë për gjenocidin në Srebrenicë.
Më 23 maj, Asambleja e Përgjithshme e Kombeve të Bashkuara miratoi rezolutën që e shpall 11 korrikun Ditë Ndërkombëtare të Përkujtimit të Viktimave të Gjenocidit në Srebrenicë. Rezoluta kaloi me 84 vota për. Kundër ishin 19, ndërsa abstenime 68.
Rezoluta ishte bashkësponsorizuar nga Gjermania dhe Ruanda.
Më 11 korrik 1995, forcat serbe dhe serbët e Bosnjës pushtuan një zonë të sigurt të mbrojtur nga Kombet Bashkuar në Srebrenicë. Ata ndanë të paktën 8,000 burra dhe djem myslimanë boshnjakë nga gratë, nënat dhe motrat e tyre dhe i masakruan. Ata që u përpoqën të arratiseshin u ndoqën nëpër pyje dhe mbi malet përreth qytetit.
/The Geopost
Si u shndërrua vizita e Presidentit të Shqipërisë në Preshevë dhe Bujanoc në narrativë për “pushtim” dhe “Shqipëri të Madhe” 
Dezinformatë në TikTok: Video i manipuluar nga viti 2022 u përdor për pretendimin se “ushtarët izraelitë po vijnë në Kosovë” 
Si dezinformon Sputnik për praninë e NATO-s në Kosovë 
MPJ ruse dezinformon se Britania po e shtyn Evropën në luftë me Rusinë 
RT Balkan dezinformon për serbët në Kosovë përmes narrativës propagandistike për barrikadat 
RT Ballkan dezinformon për FSK-në dhe armatosjen e Kosovës