Vuçiq sulmon Perëndimin për arrestimin e Pavel Durov në Francë

Themeluesi i Telegram u trajtua si një kampion i fjalës së lirë kur i përshtatej interesave perëndimore, ka thënë presidenti i Serbisë, Aleksandar Vuçiq, në një përpjekje për të sulmuar Perëndimin për arrestimin e Pavel Durov në Francë.

“Akuzat kundër themeluesit të Telegram, Pavel Durov në Francë, tregojnë se Perëndimi ka braktisur vlerat që mbrojti vetëm pak vite më parë”, tha Vuçiq.

Miliarderi me origjinë ruse po hetohet për disa vepra të dyshuara në lidhje me aktivitetin kriminal në platformë, duke përfshirë bashkëpunimin në transaksione të paligjshme me bandat, “pastrimit të krimeve në një bandë të organizuar” dhe refuzimit për të komunikuar informacion tek autoritetet, sipas prokurorisë franceze.

Duke folur në një emision lajmesh të hënën në mbrëmje, Vuçiq tha se rasti i Durov ishte “interesant” dhe e krahasoi atë meJulian Assange dhe Edward Snowden.

“Gjithçka është bërë e turbullt, vetë realiteti është ndryshuar për t’iu përshtatur interesave të tyre [Perëndimit]”, tha Vuçiq, deklarata e së cilit i shkoi për shtati Rusisë dhe mediumi shtetëror rus “Russia Today” i dha jehonë.

Veprat e dyshuara që po hetohen ndaj Durov përfshijnë “bashkëpunëtorin në administrimin e një platforme që mundëson një transaksion të paligjshëm në një bandë të organizuar”, një vepër që mund të çojë në një dënim maksimal deri në 10 vjet burg.

Durov, 39 vjeç, u arrestua në aeroportin Bourget të Parisit të shtunën. Ai po hetohej me akuza në lidhje me një sërë krimesh, duke përfshirë akuzat se platforma e tij ishte bashkëpunëtore në ndihmën e mashtruesve, trafikantëve të drogës dhe njerëzve që përhapnin pornografi për fëmijë.

Telegrami, dhe mungesa e moderimit të përmbajtjes së tij, është vënë gjithashtu nën vëzhgim për përdorimin e tij nga grupet terroriste dhe ekstremistët e djathtë.

Ai u vendos në paraburgim deri në 96 orë, koha maksimale e kohës që dikush mund të mbahet sipas ligjit francez përpara se të akuzohet.

/TheGeopost