Për serbët Rusia dhe Kina janë më të njohura se BE-ja. Kështu ka gjetur një hulumtim i IPSOS, i cili thotë se perceptimet për Rusinë dhe Kinën janë dukshëm më të favorshme se të Bashkimit Evropian.
Një numër i madh qytetarësh serbë kanë pikëpamje pozitive për këto vende, shpesh të lidhura me lidhje emocionale dhe veprime të prekshme.
“Vizita e presidentit rus Putin ose ndihma e Kinës gjatë pandemisë, si dhurimet e vaksinave, çuan në rritje të konsiderueshme të popullaritetit të këtyre vendeve,” shpjegon Srgjan Bogosavljeviq.
Ndërkaq, ai tha se ka rritje në mbështetje ndaj Bashkimit Evropian megjithatë, qytetarët shpesh deklarojnë se nuk e perceptojnë Bashkimin Evropian si veçanërisht të rëndësishëm”.
Ai vë në dukje se mbështetësit e Partisë Progresive Serbe (SNS) në pushtet shpesh favorizojnë Kinën për shkak të bashkëpunimit ekonomik dhe projekteve të infrastrukturës, ndërsa Partia Socialiste e Serbisë (SPS) dhe partitë nacionaliste bashkohen më ngushtë me Rusinë.
“Kjo ndarje reflekton pragmatizëm, por edhe një lidhje të fortë emocionale me aleatët tradicionalë,” thekson Bogosavljeviq.
Kosova, korrupsioni dhe protestat kryesojnë listën e çështjeve
Bogosavljeviq tregon se hulumtimi zbulon ndryshimin e prioriteteve në mesin e qytetarëve në lidhje me problemet kryesore shoqërore.
“Ndërsa papunësia dikur dominonte shqetësimet, tani ajo pothuajse është zhdukur nga lista,” përmbledh konsulenti IPSOS.
Megjithatë, Kosova mbetet ndër çështjet kryesore, të ndjekura nga afër nga korrupsioni dhe protestat.
“Në nëntor të këtij viti, protestat dolën ndër tre problemet kryesore, ku 10% e qytetarëve i shohin ato si një sfidë kryesore. Këto pikëpamje varen edhe nga përkatësia politike – mbështetësit e opozitës theksojnë korrupsionin, ndërsa votuesit pro-qeveritar kritikojnë protestat,” thotë Bogosavljeviq.
/The Geopost

Dosja e Prokurorisë: Si u organizuan koloneli serb bashkë me vëllain dhe një tjetër për sulmin në Ibër Lepenc
Prokuroria Speciale ngrit aktakuzë ndaj tre personave për shpërthimin në kanalin Ibër-Lepenc
Serbia me 98 sulme, Rusia me 48 gazetarë të arrestuar, ndërsa Kina me rekord botëror – liria e medias në pikë kritike
Përplasja me propagandën: Prokuroria e Lartë në Serbi padi ndaj Informer dhe Kurir për lajme të rreme
“Vit vdekjeprurës për gazetarët”, Reporterët pa Kufij: 67 gazetarë të vrarë gjatë 2025-ës
Shtatë vende të BE-së mbështesin planin e ngrirë të aseteve ruse për Ukrainën përpara bisedimeve të ashpra