Zëvendës Ndihmës Sekretari i Përgjithshëm për Partneritete në NATO, Kevin Hamilton, ka deklaruar se aleanca veri-atlantike po vëren përpjekje të aktorëve të jashtëm, veçanërisht Rusisë, për destabilizimin e Kosovës dhe rajonit përmes dezinformimit dhe operacioneve hibride.
Gjatë një takimi me gazetarë në Prishtinë, Hamilton u pyet nëse NATO sheh tentativa për destabilizim në Ballkanin Perëndimor përmes fushatave të dezinformimit dhe sulmeve hibride.
“Shkurtimisht, po, fatkeqësisht. Ne shohim aktorë të jashtëm, dhe do ta përmend kryesisht Rusinë, të përfshirë në fushata dezinformimi dhe aktivitete hibride, jo vetëm këtu në Ballkanin Perëndimor, por edhe në mbarë botën”, deklaroi ai.
Hamilton theksoi se është e rëndësishme që qytetarët të jenë të vetëdijshëm për kërcënimet kibernetike dhe manipulimin përmes dezinformimit.
Sipas tij, shoqëritë duhet të ndërtojnë rezistencë ndaj sulmeve hibride, duke përfshirë njohjen e sulmeve “phishing”, sulmeve kibernetike dhe përmbajtjeve dezinformuese që synojnë destabilizimin e institucioneve dhe shoqërisë.
“Duhet të ekzistojë një lloj doktrine e rezistencës së gjithë shoqërisë – që qytetarët të kenë njohuri për sigurinë kibernetike dhe ta njohin dezinformimin për atë që është”, tha Hamilton.
Ai bëri të ditur se NATO po bashkëpunon me Kosovën për forcimin e kapaciteteve dhe rezistencës ndaj kërcënimeve hibride.
“NATO po punon me Kosovën për të ndërtuar këtë rezistencë dhe kjo është diçka që do të vazhdojmë ta bëjmë në të gjithë rajonin dhe më gjerë”, deklaroi Hamilton.

Mikhail Bogachek propozohet për ambasador të ri amerikan në Kosovë
Kompania serbe furnizoi industrinë ushtarake ruse me makineri prej 27.5 milionë eurosh, përmes ndërmjetësve të sanksionuar
Serbia nis hetimet ndaj zyrtarëve të ish-pushtetit, por a do të hapen edhe dosjet e Banjskës dhe të Radoiçiqit?
Serbia hap sirtarët e drejtësisë pas humbjes së Vuçiqit
Hulumtimi zbulon lidhjet e pronarit të Euronews me Orbanin dhe Vuçiqin, ish-gazetarët flasin për presion politik
Lista Studentore vizitojnë manastiret në Kosovë, nuk dallojnë në deklarime me regjimin e Vuçiqit