Dezinformimi i përhapur përmes mediave online, i nxitur nga propaganda ruse, ka depërtuar edhe në Shqipëri, ka thënë ministri i Brendshëm, Ervin Hoxha, gjatë raportimit në Komisionin kundër dezinformimit, drejtuar nga deputeti socialist, Erion Braçe.
“90% e propagandës ruse dhe e këtyre fushatave bëhet në gjuhën serbe,” theksoi Hoxha.
Megjithatë, theksoi ai, Shqipëria është ndër vendet më pak të prekura nga këto fushata.
“Kohët e fundit, vlerësohet se infrastrukturës dezinformuese ruse në rajon i janë shtuar portale edhe në gjuhën shqipe. Këto vazhdojnë të kenë një shikueshmëri dhe lexueshmëri të kufizuar dhe një numër të vogël klikimesh… Shqipëria, si vend i ndërvarur nga zhvillimet ekonomike, rajonale e globale, dhe si anëtar i NATO-s dhe kandidat për në BE, e konsideron aftësinë për të parandaluar, kundërshtuar dhe për t’iu përgjigjur sulmeve hibride si prioritet madhor”, u shpreh Hoxha.
Ai theksoi rëndësinë e ruajtjes së rendit dhe sigurisë kombëtare, kohezionit social dhe garantimit të vazhdimësisë së të gjitha shërbimeve të sigurisë.
Hoxha përmendi sulmin kibernetik të Iranit ndaj Shqipërisë, duke nënvizuar rolin e bashkëpunimit ndërkombëtar në zbutjen e pasojave.
“Bashkëpunimi i menjëhershëm me partnerët ndërkombëtarë ndihmoi në minimizimin e dëmeve,” përfundoi ai./The Geopost/
Serbia dhe Uzbekistani paralajmërojnë bashkëpunim për raketa, analisti ngre pikëpyetje për interesat ruse 
Von der Leyen pas varrimit të Mlladiqit: Vendet që lavdërojnë kriminelët e luftës nuk kanë vend në BE 
Sikorsky: Pasuria e ngrirë ruse nuk do t’i kthehet Moskës 
Parti e re proruse në Serbi, kërkon braktisjen e BE-së dhe forcimin e ndikimit të Moskës 
Uashingtoni ashpërson mesazhet ndaj Serbisë, Kongresi e paralajmëron për Rusinë, Kinën dhe glorifikimin e Mlladiqit 
Brukseli ashpërson tonin ndaj Beogradit: Parlamenti Evropian kërkon ndryshim të qasjes ndaj Vuçiqit