Gazetari britanik që përkrah Kremlinin i shtohet listës së sanksioneve të qeverisë së Mbretërisë së Bashkuar ndaj Rusisë

Graham Phillips akuzohet se është një kanal me propagandën pro-ruse dhe është shtetasi i parë i Mbretërisë së Bashkuar i vendosur në listën e sanksioneve, raporton The Guardian.

Një shtetas britanik, i cili bën video blogje pro-Kremlinit nga zonat që Rusia ka okupuar në Ukrainë, është shtuar në listën e sanksioneve të qeverisë së Mbretërisë së Bashkuar.

Graham Phillips, i cili është akuzuar si një burim për propagandën pro-ruse, është një nga 42 emrat e rinj që i janë shtuar listës së sanksioneve të Britanisë së Madhe ndaj Rusisë. Shtesa të tjera përfshijnë ministrin dhe zëvendësministrin rus të drejtësisë dhe dy nipërit e miliarderit rus Alisher Usmanov, i cili u vendos vetë nën sanksione nga Britania në mars.

Phillips – qytetari i parë i Mbretërisë së Bashkuar që i shtohet listës në rritje të sanksioneve – ka qenë prej kohësh një figurë e diskutuar, duke marrë medalje nga shteti rus për raportimin e tij. Ai vazhdimisht ka ndjekur linjën ruse për luftën, duke sugjeruar javët e fundit se Ukraina drejtohet nga nazistët dhe se masakra e ukrainasve në Bucha ishte inskenuar.

Në prill, Phillips tërhoqi dënimin nga Boris Johnson dhe të tjerët kur intervistoi Aiden Aslin, një anëtar britanik të forcave të armatosura të Ukrainës, i cili ishte kapur nga forcat ruse gjatë rrethimit të Mariupolit. Aslin po përballet me dënimin me vdekje.

Lista e re e sanksioneve të Mbretërisë së Bashkuar përfshin zyrtarë sirianë të akuzuar për rekrutimin e mercenarëve për të luftuar në Ukrainë, si dhe Vitaliy Khotsenko, kryeministrin e vendosur nga Rusia në republikën e vetëshpallur në Donetskut dhe Vladislav Kuznetsovin, zëvendëskryetari i parë i republikës së vetëshpallur të Luhanskut, në lindje të Ukrainës.

Sarvar dhe Sanjar Ismailov, nipat e Alisher Usmanov, kanë interesa të rëndësishme në MB (Mbretëri të Bashkuar) dhe besohet se kanë shtëpi në Highgate dhe Hampstead Heath në Londër.

Phillips – i cili përballet me ngrirjen e aseteve të tij – përshkruhet në listën e sanksioneve si “një video bloger që ka prodhuar dhe publikuar përmbajtje mediatike që mbështesin dhe promovojnë veprime dhe politika që destabilizojnë Ukrainën dhe minojnë ose kërcënojnë integritetin territorial, sovranitetin ose pavarësinë e Ukrainës”.

Duke komentuar mbi individët e saposanksionuar, sekretarja e jashtme, Liz Truss, tha: “Ne nuk do të heshtim dhe do të shikojmë aktorët shtetërorë të emëruar nga Kremlini duke shtypur popullin e Ukrainës ose liritë e popullit të tyre. Ne do të vazhdojmë të vendosim sanksione të ashpra ndaj atyre që po përpiqen të legjitimojnë pushtimin e paligjshëm të Putinit derisa Ukraina të mbizotërojë.

Johnson e përshkroi intervistën e Phillips me Aslin si një “mesazh propagandistik” të Rusisë. Deputeti lokal nga ku është dhe Aslin, Robert Jenrick, tha se videoja e Phillips tregonte zgjedhësin e tij “të prangosur, të plagosur fizikisht dhe duke u intervistuar nën presion për qëllime propagande”.

Jenrick tha se video ishte një shkelje e konventave të Gjenevës për trajtimin e të burgosurve të luftës dhe se “intervistuesi Graham Phillips është në rrezik të ndjekjes penale për krime lufte”.

Aslin u kap nga forcat ruse ndërsa mbronte qytetin e rrethuar të Mariupolit, megjithëse mbetet e paqartë se si përfundoi duke u intervistuar nga Phillips.

Phillips thotë se puna e tij financohet vetë dhe kërkon rregullisht donacione nga 264,000 abonentët e tij në YouTube. Ai gjithashtu fiton para nga reklamat në YouTube të paguara nga kompanitë e mëdha perëndimore. YouTube deri më tani ka refuzuar të heqë videot e Phillips, pavarësisht thirrjeve nga politikanët për të hequr kanalin.

Në korrik 2014 atij iu ndalua hyrja në Ukrainë, por arriti të hynte ilegalisht në territoret e pushtuara.

Rritja e tij nga një britanik i panjohur jashtë vendit në figurë me interes politik kombëtar ishte simptomatike. Sipas një interviste të vitit 2014 me BuzzFeed News, Phillips për herë të parë shkoi në Ukrainë kur udhëtonte si tifoz jashtë vendit në një ndeshje futbolli në Angli.

Në moshën 30-vjeçare, ai la punën e tij në Zyrën Qendrore të Informacionit të qeverisë së Mbretërisë së Bashkuar tanimë të mbyllur dhe u transferua me kohë të plotë në Ukrainë, ku u rishfaq si gazetar.