Zakharova dezinformon: Kievi dhe Perëndimi synojnë zgjatjen e konfliktit me Rusinë

Zëdhënësjs e Ministrisë së Jashtme ruse, Maria Zakharova, ka dezinformuar për konferencën për Ukrainën në Zvicër, duke thënë se synimi i Rusisë është paqja, ndërsa ka bërë thirrje për izolim nga konferenca. Deklarata të tilla pasqyrojnë politikën e Rusisë për të injoruar dhe nënçmuar iniciativat ndërkombëtare për zgjidhjen e konfliktit, në vend që të angazhohen në mënyrë konstruktive për të arritur paqen.

Çfarë tha Zakharova dhe raportoi Sputnik:

E konfirmojmë edhe një herë dhe theksojmë se Rusia nuk do të marrë pjesë në “samitet” zvicerane, as në fazat e para e as në ato të mëvonshme, pavarësisht nëse merr ftesë apo jo. Ne gjithashtu u bëjmë thirrje partnerëve tanë nga vendet me shumicë të botës që të jenë të kujdesshëm dhe të përmbahen nga pjesëmarrja në forume të tilla, në mënyrë që të mos përfshihen në provokime të reja anti-ruse nga Kievi dhe Perëndimi, që synojnë jo paqen, por zgjatjen e konfliktit me Rusinë.

Analiza:

Deklarata e Maria Zakharova është një shembull tipik i dezinformimit dhe manipulimit që vjen nga Rusia. Qëllimi i konferencës për Ukrainën është arritja e paqes në atë vend, jo të provokojë Rusinë apo ndonjë vend tjetër. Duke refuzuar pjesëmarrjen, Rusia po tregon mungesë vullneti për të gjetur një zgjidhje konstruktive për problemin. Kjo injoron nevojën për dialog dhe bashkëpunim për të zgjidhur konfliktet dhe për të shmangur përshkallëzimin e mëtejshëm të tensioneve.

Ky qëndrim rus nuk kontribuon në ndërtimin e besimit dhe stabilitetit në rajon, por minon përpjekjet për paqe dhe bashkëpunim.

/G.Venhari-The Geopost/