Kjo javë filloi me dezinformatën e zëdhënëses së Ministrisë së Punëve të Jashtme të Rusisë, Maria Zakharova, ku liberalizimin e vizave për qytetarët e Kosovës e lidhi gjoja si “shpërblim nga BE-ja për spastrimin etnik të serbëve.
Menjëhere pas kësaj pasoi propaganda e ministrit të Jashtëm të Rusisë, Sergey Lavrov se “faktori shqiptar do të eksplodojë në Ballkan, duke synuar të nxisë tensione etnike në Ballkan, përmes Serbisë e cila shërben si satelit i saj.
Vëmendjen e rusëve e mori edhe Forca e Sigurisë së Kosovës, për të cilën dezinformua nën pretendimet se Britania e Madhe po dërgon shqiptarët për të luftuar në Ukrainë.
“A po dërgojnë britanikët, shqiptarë të Kosovës për të luftuar në Ukrainë?” ishte titulli i një artikulli të portalit “Russia Today Balkan” me seli në Beograd, i publikuar më 30.01.2024. Me anë të këtij titulli ky portal dezinformoi për Ambasadën britanike në Prishtine si dhe për Forcën e Sigurisë së Kosovës.
Ministri i Jashtëm i Rusisë, Sergey Lavrov nuk qëndroi pa tentuar të vinte një paralale mes ankesimit të Krimesë dhe pavarësisë së Kosovës. Kjo ishte propaganda e tij e radhës, Këto deklarata Lavrov i bëri në një konferencë për media, e cila u transmetua në disa media ruse por edhe në Serbi.
Me një dezinformatë doli edhe ministri serb i Mbrojtjes, Millosh Vuçeviq, i cili akuzoi rrejshëm Policinë e Kosovës se gjoja “kidnapon” punëtorët shëndetësorë.
“Në Kosovë po krijohen kushte të pamundshme, nga hyrja në institucione, kidnapimet, arrestimet, deri tek arrestimi i punëtorëve shëndetësorë dhe po pamundësohet sigurimi bazë i shëndetësisë për popullin serb në Kosovë”, ka pretenduar Vuçeviq, ndërkohë që komunikata e përbashkët e Policisë së Kosovës dhe Prokurorisë në Prishtinë shpjegonte veprimin e Policisë së bashku me Prokurorinë rreth rastit të OJQ “Centar za mir I Toloeraciju”.
Zëdhënësja e Punëve të Jashtme të Rusisë, Maria Zakharova u mor sërish me dezinformata rreth Kosovës. Duke folur para gazetarëve, më 31 janar Zakharova kësaj radhe u mor me kishat serbe në Kosovë, duke dezinformuar se institucionet në Prishinë “dëshirojnë” që të fshihen gjurmët e prezencës së serbëve dhe të shqiptarizohet identiteti i tyre që e kanë me shekuj.
Ndërsa të premten në Serbi u dëshmua edhe njëherë se mediat kontrollohen nga pushteti dhe presidenti serb, Aleksandër Vuçiq, duke publikuar një artikull me titull të njëjtë në 10 sosh.
/G. Venhari, The Geopost
Zakharova dezinformon: Vendet e BE-së vazhdojnë praktikën e kufizimit të së drejtës sovrane të shteteve 
Analizë: Koordinimi i dezinformimit nga “Zyra për Kosovë”, Lista Serbe dhe portal “KosovoOnline” përmes një manipulimi të thjeshtë ‘CheapFake’ 
Kozarev dhe ambasadori bjellorus dezinformojnë rreth protestave dhe Kosovës 
Zakharova dezinformon: Brukseli ndërhyn në punët e brendshme të Serbisë 
Lavrov dezinformon sërish për Kosovën dhe Krimenë 
Maslenikov dezinformon: BE-ja ka përjetuar një dështim të plotë në dialogun Kosovë-Serbi