Ministri i Mbrojtjes së Serbisë, Millosh Vuçeviq ka lëshuar një dezinformatë për Policinë e Kosovës duke akuzuar rrejshëm se kjo e fundit gjoja “kidnapon” punëtorët shëndetësorë dhe sç pretendon ai, duke iu pamundësuar puna.
Çka tha Vuçeviq?
Duke komentuar vendimet e fundit të Prishtinës, ministri i Mbrojtjes Millosh Vuçeviq tha se “duhet të shikojmë të gjithë pakon e masave të zbatuara nga Prishtina”.
Intervista e Ivana Tatomir Čkonjević me Millosh Vuçeviqin:
“Në Kosovë po krijohen kushte të pamundshme, nga hyrja në institucione, kidnapimet, arrestimet, deri tek arrestimi i punëtorëve shëndetësorë dhe po pamundësohet sigurimi bazë i shëndetësisë për popullin serb në Kosovë”, ka thënë Vuçeviq.
Analiza:
Sipas komunikatës së përbashkët të Policisë së Kosovës dhe Prokurorisë në Prishtinë shpjegohet veprimi i mbrëmshëm i Policisë së bashku meProkurorinë rreth rastit të OJQ “Centar za mir I Toloeraciju”.
KOMUNIKATË E PËRBASHKËT PËR MEDIA NGA PROKURORIA THEMELORE NË PRISHTINË DHE POLICIA E KOSOVËS
Prishtinë, 1 shkurt 2024 – Prokuroria Themelore në Prishtinë, ju njofton lidhur me bastisjen e realizuar më 31.01.2024, se pas pranimit të informatës nga Ministria e Punëve të Brendshme, se në objektin – aneks i Stacionit Policor Qendra në Prishtinë është duke operuar një OJQ në mënyrë të kundërligjshme, Kryeprokurori i Prokurorisë Themelore në Prishtinë së bashku me prokurorin e rastit nga Departamenti i Krimeve të Rënda – Njësiti për Krime Ekonomike dhe Korrupsion, kanë dalë në vendin e ngjarjes dhe kanë ndërmarrë veprimet e nevojshme hetimore, në koordinim me Policinë e Kosovës- Drejtoria për Hetime Rajonale në Prishtinë dhe në bashkëpunim me Doganën e Kosovës e Inspektoratin Shëndetësor, është kryer bastisje në lokalin e lartcekur, me ç’ rast është konstatuar se në këtë objekt janë duke u ofruar shërbime mjekësore në mënyrë të kundërligjshme, si dhe janë intervistuar dy persona në cilësinë e të dyshuarve dhe disa të tjerë në cilësinë e dëshmitarëve.
Pas intervistimit të dyshuarve, të njëjtit janë liruar në procedurë të rregullt, derisa është hapur rast penal në drejtim të veprës penale “Ushtrimi i kundërligjshëm i veprimtarisë mjekësore ose farmaceutike”, sipas KPRK-së.
Gjithashtu, ju njoftojmë se nga bastisja e realizuar, me urdhër të Prokurorit të Shtetit janë sekuestruar prova materiale të cilat do të shërbejnë në procedurën penale, ndërsa me vendim të Inspektoratit Shëndetësor është mbyllur objekti në fjalë.
Përfundimi i kësaj është se ministri serb i Mbrojtjes dezinformoi pasi Policia e Kosovës nuk bën kidnapime por vepron sipas rregulloreve të Policisë dhe ligjeve të Republikës të Kosovës.
/G. Venhari – The Geopost
RT Balkan dezinformon për KFOR-in dhe Rezolutën 1244 
Si dezinformon Sputnik për tërheqjen e KFOR-it nga ura mbi Ibër 
Fact-checking: Lista Serbe paraqet si fakt një pretendim të paverifikuar për kinse rrahjen e Nenad Rashkoviqit nga Policia e Kosovës 
Faqja “Stazama Kosmeta” dezinformon duke e devijuar deklaratën e ministrit Sveçla 
“Atak i ri”, “Kurti nuk tërhiqet” – kështu dezinformojnë Sputnik dhe RT Balkan lidhur me rrënimin e objekteve në Ujman 
Mediat serbe dhe proruse përhapin propagandë për udhërrëfyesit turistikë dhe rrënimin e objekteve pa leje në veri të Kosovës