Zëdhënësja e Ministrisë së Jashtme të Rusisë, Maria Zakharova sot bëri disa dezinformata rreth Kosovës, e të cilat u transmetuan në mediat ruse dhe ato në Serbi.
Në një konferencë për media para gazetarëve rusë, Zakrahova vijoi narrativën që e përhap Beogradi se gjoja “Qeveria e Kosovës po i shtyp serbët”, derisa shkoi edhe më tej duke pretenduar se “këtë e inkurajojnë euroatlantikët”.
Në veçanti bie në sy pjesa ku thotë se “kosovarët e fituan nga Brukseli dhe amerikanët liberalizimin e vizave duke i inkurajuar për spastrimin e serbëve”.
Lajmi është publikuar në mediumet propagandistike ruse “Sputnik” dhe “Russian Today”, të cilat operojnë lirshëm në Serbi dhe më pas u publikua edhe në portalin gjithashtu propagandistik serb “Novosti.rs”.
Çka tha Maria Zakharova:
“Pozita e serbëve në Kosovë po bëhet kritike, dhe Perëndimi në vend që të bëjë alarm, po largohet nga problemi. Amerikanët dhe evropianët inkurajojnë spastrimin etnik të iniciuar nga ‘kryeministri’ Albin Kurti, duke e shpërblyer Prishtinën me udhëtimin pa viza në zonën Shëngen dhe duke promovuar aplikimin për anëtarësimin e saj në Këshillin e Evropës. Me shpresën për ta thyer ngërçin në zgjidhjen mes Albin Kurtit dhe Perëndimit, Beogradi u pajtua për kompromise të pakëndshme sa i përket targave dhe furnizimit me energji elektrike në veri të Kosovës. Mbetet të shihet nëse Prishtina e përdorë këtë gjest për të shtypur më tej popullatën joshqiptare”.
Analiza:
Kjo është një dezinformatë kundër amerikanëve, evropianëve dhe Kosovës. Në fakt, Kosova ishte shteti i fundit në Ballkanin Perëndimor që iu liberalizuan vizat pas disa vitesh prolongim. Kosova ka kaluar të gjitha shkallët e liberalizimit të vizave. Në korrik të vitit 2018 Komisioni Evropian ka rekomanduar liberalizim e vizave për Kosovën; në gusht 2018 Komiteti LIBE votoi pro rekomandimit të KE-së për liberalizim; në shtator 2018 Parlamenti Evropian konfirmoi negociata me Këshillin e BE-së për liberalizim e vizave; në nëntor 2022 ambasadorët e BE-së votuan pro; dhjetor 2022 ambasdorët e BE-së miratojnë marrëveshjen e arritur nga tri institucionet; mars 2023 ambasadorët e BE-së votojnë me shumicë të thjeshtë për liberalizimin e vizave; mars 2023 Këshilli i Ministrave të BE-së miraton me shumicë të thjeshtë liberalizimin e vizave; prill 2023 vendimi bëhet publik në Gazetën Zyrtare./G. Venhari-The Geopost/
Mojsilloviq dezinformon për marrëveshjen mes Kosovës, Kroacisë dhe Shqipërisë 
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Portal Novosti shpërndan propagandë: Marrëveshja mediatike shpallet “pakt kundër serbëve” 
Mediumi serb manipulon për ushtarët amerikanë të KFOR-it: Nga interesi për ortodoksinë në pranim të fesë 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit