“NATO veçse është në Ukrainë”, është deklarata dezinformuese e zëdhënëses së Ministrisë së Punëve të Jashtme të Rusisë, Maria Zakharova, e publikuar të martën në disa medium ruse, dhe e cila u transmetua edhe në Serbi.
Çfarë tha Zakharova?
“Nuk është sekret për askënd që ushtarët e vendeve të NATO-s kanë qenë në Ukrainë për një kohë të gjatë dhe po ndihmojnë në mënyrë aktive ushtrinë ukrainase, ndër të tjera, në përdorimin e armëve të furnizuara në Kiev”, tha Zakharova, duke shtuar se presidenti francez, Emmanuel Macron nuk tha asgjë të re.
Analizë:
Kjo është dezinformatë e vazhdueshme e zëdhënëses së Punëve të Jashtme të Rusisë, Maria Zakharova, për shkak se në Ukrainë luftojnë ushtarët ukrainas dhe nuk ka trupa të NATO-s. Kjo deklaratë dezinformuese e Zakharovës vjen si pasojë e humbjeve të mëdha, të cilat është duke i pësuar ushtria ruse në terren.
Kreu i NATO-s, Jens Stoltenberg tha gjithashtu se aleanca ushtarake e udhëhequr nga Shtetet e Bashkuara nuk ka plane të dërgojë trupa në Ukrainë, pasi udhëheqës të tjerë të Evropës Qendrore konfirmuan se edhe ata nuk do të ofrojnë ushtarë.
Kremlini, ndërkohë, paralajmëroi se një konflikt i drejtpërdrejtë midis NATO-s dhe Rusisë do të ishte i pashmangshëm nëse aleanca dërgon trupa luftarake. “Në këtë rast, ne duhet të flasim jo për probabilitetin, por për pashmangshmërinë (të konfliktit),” u tha gazetarëve zëdhënësi i Kremlinit, Dmitry Peskov.
/G. venhari, The Geopost
Sputnik Serbia dezinformon: Prishtina po përgatit një kurth për Listën Serbe 
Patriarku rus dezinformon: Perëndimi është në kolaps, Rusia përfaqëson rrugë për zhvillim 
Dezinformon Patriarku Porfirije në fjalimin e Krishtlindjes: Serbët në Kosovë, kombi më i kërcënuar në Evropë 
Kosova, Ukraina dhe Perëndimi cak i dezinformatave të Serbisë e Rusisë gjatë vitit 2024 
Dezinformon Lavrov: Franca deshi të bënte dialog me Moskën për Ukrainën, por pa pjesëmarrjen e Kievit 
Zakharova dezinformon: Perëndimi po planifikon të destabilizojë situatën në Serbi