Milovan Drecun dezinformon për FSK-në: Kurti po e dërgon në veri

Ish-kryetari i Komisionit Parlamentar për Kosovë, Milovan Drecun ka deklaruar rrejshëm se “kryeministri i Kosovës ka në qëllim dërgimin e Forcës së Sigurisë së Kosovës në veri”.

Ai këtë deklaratë e bëri në mediumin publik RTS më 19 shkurt.

Çka tha Drecun?

“Patrullimi i Forcave të Sigurisë së Kosovës në veri i dhanë Kurtit kontroll të plotë mbi atë zonë. NATO po ndihmon transformimin e FSK-së në ushtri. Arsyetimi është se Beogradi po përgatit një lloj agresioni. Kështu ata e zhvendosën fokusin nga dialogu në Bruksel tërësisht në planin ushtarak. Kjo shihet në faktin se vitin e kaluar shpenzuan 115 milionë dollarë për blerjen e armëve të reja dhe ideja e formimit të tre regjimenteve të këmbësorisë. Jam i shqetësuar për iniciativën e mundshme për patrullime të përbashkëta nga KFOR-i dhe të Forcave të Sigurisë së Kosovës në veri. Çdo patrullë që do t’i mundësonte FSK-së të kontrollonte vijën administrative do të nënkuptonte kontroll të plotë të tyre në veri të Kosovës”, ka thënë ai.

Analiza:

Forcat e Sigurisë së Kosovës në koordinim me NATO-n mund të shkojnë në komunat veriore të vendit: Mitrovicë e Veriut, Zveçan, Zubin Potok dhe Leposaviq. Këtë e kufizon një marrëveshje mes Kosovës dhe NATO-s bazuar në një letër-shkëmbim të vitit 2013.

Se marrëveshja është ende në fuqi kishte thënë edhe sekretari i përgjithshëm i NATO-s, Jens Stoltenberg, i cili më 2021 ka deklaruar se Forca e Sigurisë e Kosovës nuk duhet të vendoset në veriun e banuar me shumicë serbe të Kosovës pa pëlqimin paraprak të komandantit të KFOR-it.

Pra, kjo marrëveshje e Kosovës me NATO-n e demanton atë çka ka deklaruar Drecun, prandaj vlerësojmë se ai ka dezinformuar./G.Venhari-The Geopost/

https://gzk.rks-gov.net/ActDetail.aspx?ActID=18375