Analisti boshnjak Galijasheviq në vijë me narrativën ruse, fajëson Perëndimin për sulmin në Moskë: Sulmuesit nuk ishin xhihadistë

Analisti nga Bosnje e Hercegovina, Dzevad Galijasheviq ka dezinformuar se sulmuesit në Moskë nuk janë xhihadistë, duke synuar që t’i përshtatet narrativës së Rusisë, sipas së cilës kjo e fundit fajëson Ukrainën dhe Perëndimin për sulmin terrorist në sallën e koncerteve në Moskë.

Çka deklaroi Galijasheviq?

“Sulmuesit e Moskës nuk janë islamikë. Ky nuk është një grup i organizuar terrorist, këta njerëz janë mbledhur disa ditë para ekzekutimit”. Dikush mund të njohë dorëshkrimin e shërbimeve të inteligjencës si CIA, Mi-6, megjithëse nuk duhet përjashtuar as Mossad. Gjithashtu ka mundësi që ukrainasit kanë shënuar në fushë dhe kanë dhënë informacion për sulmuesit, se ata kanë luajtur rolin e tyre. Vështirë të besohet se një taksist dhe një floktar i dështuar mund të veprojnë si ushtarë, të vrasin 150 njerëz, të gjuajnë 500-600 plumba, të sillen si ushtarë dhe asgjë nuk shkruhet në biografitë e tyre. Është e mundur që ne të kemi vetëm një pjesë të grupit dhe jo të gjithë autorët.”

Analiza:

Galijasheviq  po dezinformon me këtë deklaratë dhe e ndihmon narracionin rus duke ia drejtuar gishtin dikujt tjetër dhe jo ISIS-it i cili ka marrë publikisht përgjegjësinë për sulmin terrorist në Moskë. Pak kohë pasi ndodhi sulmi Rusia drejtoi gishtin kah Ukraina pa pasur ndonjë provë dhe duke fajësuar Ukrainën, zyrtarët rusë u përpoqën ta fajësonin edhe Perëndimin. Para gjykatës ruse kanë dalë katër të dyshuarit për sulmin terrorist, disa prej të cilëve kanë pranuar se janë nxitur nga eksponentë të grupit islamik për të kryer sulmin në Rusi. Katër sulmuesit e dyshuar janë nga Taxhikistani dhe kanë banuar në Rusi.

/The Geopost