Zaharova dezinformon për Rezolutën 1244 dhe pavarësinë e Kosovës – narrativë politike e Kremlinit

Zëdhënësja e Ministrisë së Punëve të Jashtme të Rusisë,Maria Zaharova, ka dezinformuar për RT Balkan duke pretenduar se “Perëndimi po saboton Rezolutën 1244 të Këshillit të Sigurimit të OKB-së”, se njohja e pavarësisë së Kosovës është “goditje ndaj së drejtës ndërkombëtare” dhe se vendet perëndimore gjoja po shkelin vendimet e OKB-së përmes mbështetjes së strukturave të sigurisë së Kosovës.

Analiza e deklaratave të saj tregon se bëhet fjalë për manipulim faktesh dhe përjashtim të kontekstit kyç ndërkombëtar.

Me cilat fakte manipulon Zaharova?

Manipulimi rreth Rezolutës 1244

Zaharova pretendon se Perëndimi “po saboton” Rezolutën 1244 dhe se njohja masive e Kosovës përbën shkelje të kësaj rezolute.

Megjithatë, teksti i Rezolutës 1244 vendos një administratë të përkohshme ndërkombëtare, parashikon një proces politik për përcaktimin e statusit përfundimtar dhe nuk përmban ndalim për shpalljen e pavarësisë, as ndalim që shtetet e tjera ta njohin Kosovën.

“Njohja e pavarësisë në vitin 2008 është goditja e parë dhe kryesore ndaj Rezolutës 1244”

Zaharova e përshkruan pavarësinë e Kosovës si “shkelje flagrante të së drejtës ndërkombëtare”, por lë jashtë një fakt kyç:

Gjykata Ndërkombëtare e Drejtësisë (GJND/ICJ) në vitin 2010, në opinionin këshillimor, ka konkluduar se Deklarata e Pavarësisë së Kosovës nuk ka shkelur të drejtën ndërkombëtare dhe as Rezolutën 1244.

GJND ka përfunduar se Deklarata e Pavarësisë së Kosovës:

Gjykata theksoi qartë se vetë deklarata nuk ishte në kundërshtim me të drejtën ndërkombëtare.

Pretendimi për “ndalim të armatosjes” së Kosovës

Zaharova pretendon se Perëndimi po shkel Rezolutën 1244 duke mbështetur forcat e sigurisë së Kosovës.

Forca e Sigurisë së Kosovës (FSK) është transformuar në koordinim me NATO-n, ndërsa KFOR-i mban përgjegjësinë përfundimtare për sigurinë.

Konteksti shtesë që Zaharova e anashkalon

Zaharova flet për “shkelje kolektive të së drejtës ndërkombëtare”, por anashkalon faktin se mbi 100 shtete anëtare të OKB-së e kanë njohur Kosovën si shtet të pavarur, përfshirë shumicën e vendeve të BE-së dhe SHBA-në.

Gjithashtu, Bashkimi Evropian udhëheq dialogun ndërmjet Beogradit dhe Prishtinës pikërisht mbi bazën e premisës se çështja e statusit zgjidhet përmes marrëveshjeve politike, e jo përmes interpretimit të njëanshëm të Rezolutës 1244:

Përfundim

Deklarata e Maria Zaharovës paraqet një shembull të interpretimit selektiv të së drejtës ndërkombëtare dhe manipulimit të fakteve.

Pretendimet e paraqitura në intervistën për RT Balkan mund të vlerësohen si manipulim i fakteve përmes përjashtimit selektiv të vendimeve kyçe juridike dhe ndërkombëtare.

/The Geopost/