Novosti dezinformon për takimin trilateral në Shkodër

Portali Novosti publikoi një artikull për takimin trilateral Shqipëri-Kosovë-Kroaci mbi bashkëpunimin ushtarak, duke dezinformuar se takimi i përfaqësuesve të ministrive të mbrojtjes të këtyre vendeve ishte i orientuar kundër serbëve.

Si shkruajnë Novosti:

Në Shkoder filloi takimi trilateral KUNDËR SERBËVE: Shqipëria, Prishtina dhe Kroacia për bashkëpunim ushtarak

Analizë:

Takimi që po mbahet sot në Shqipëri është vetëm pjesë e implementimit të Deklaratës trilaterale për bashkëpunim në fushën e mbrojtjes, e nënshkruar në vitin 2025 në Tiranë, e cila ka të bëjë me forcimin e bashkëpunimit ushtarak, sigurinë rajonale dhe nuk ka asnjë indikacion që takimi është i orientuar kundër serbëve, siç dezinformon portali Novosti.

Asnjë pjesë e dokumentit nuk përmend që qëllimi i marrëveshjes është i orientuar kundër Serbisë apo ndonjë populli tjetër.

Përkundrazi, mediat e tjera kanë raportuar për takimin pa konstruksione sensacionale, duke theksuar se bëhet fjalë për bashkëpunim të rregullt në fushën e mbrojtjes.

Në tekstin e publikuar të Deklaratës thuhet se Shqipëria dhe Kroacia marrin pjesë në bashkëpunimin trilateral si anëtare të NATO-s, dhe se dokumenti është nënshkruar pikërisht për të kultivuar obligimet e përbashkëta të sigurisë dhe interoperabilitetin.

Marrëveshja midis Shqipërisë, Kroacisë dhe Kosovës është një deklaratë trilaterale për bashkëpunim në fushën e mbrojtjes dhe sigurisë, e fokusuar në ushtrime të përbashkëta, trajnime, interoperabilitetin e ushtrive dhe forcimin e stabilitetit rajonal, ku Shqipëria dhe Kroacia si anëtare të NATO-s, dhe Kosova si partner, bashkëpunojnë pa qëllim për të rrezikuar askënd.