Medvedev dezinformon: Perëndimi po nxit drejt katastrofës globale

Zëdhënësi politik i Rusisë, Dmitry Medvedev përdor kërcënime dhe deklarata frikësuese për të përhapur dezinformata rreth Perëndimit, duke u përpjekur të justifikojë veprimet ruse dhe të diskreditojë liderët perëndimorë. Medvedev, zëvendëskryetar i Këshillit të Sigurimit të Rusisë, pretendon se një ndërhyrje e mundshme perëndimore në Ukrainë mund të çojë në një katastrofë globale, në një përpjekje për të krijuar një imazh të Perëndimit si agresor.

Çfarë tha Medvedev:

“Do të ndodhë një katastrofë globale. Meqë ra fjala, Kenedi dhe Hrushovi mund ta kishin kuptuar këtë më shumë se 60 vjet më parë, por budallenjtë aktualë infantilë në pushtet në Perëndim nuk duan që kjo të ndodhë”, tha ai në Telegram.

Analiza:

Këto deklarata janë propagandë ruse, duke u përpjekur të mashtrojnë publikun dhe të justifikojnë politikën ruse. Akuzat se Perëndimi po përgatit agresion kundër Ukrainës nuk bazohen në fakte dhe shërbejnë si mjet për të krijuar një mjedis armiqësor ndaj Perëndimit. Për më tepër, ai kërkon të fitojë simpatinë e publikut duke përmendur Kenedin dhe Hrushovin, duke nënkuptuar kështu se udhëheqësit perëndimorë janë të paaftë për të mësuar nga historia.

Deklarata të tilla shërbejnë vetëm për të përshkallëzuar tensionet dhe për të vështirësuar dialogun diplomatik për zgjidhjen e krizës. Përpjekja për të manipuluar shembujt historikë shërben gjithashtu për të krijuar perceptimin se Perëndimi është i paaftë për të kuptuar situatat gjeopolitike dhe se Rusia është lajmëtari i së vërtetës dhe stabilitetit./G.Venhari-The Geopost/