Serbia prapë nuk e përshtat politiken e saj me BE-në për armët kimike dhe Iranin

Serbia është sërish vendi i vetëm kandidat për anëtarësim në Bashkimin Evropian në Ballkanin Perëndimor që nuk respektoi tre vendimet e reja të politikës së jashtme të Këshillit të BE-së në lidhje me masat kufizuese kundër Iranit, si dhe përhapjen dhe përdorimin e armëve kimike.

Siç njoftoi dje Përfaqësuesi i Lartë i BE-së për Politikë të Jashtme dhe Siguri, Josep Borrell, Këshilli i BE-së miratoi dy vendime për masat kufizuese kundër Iranit, (CFSP) 2023/2126 dhe (CFSP) 023/2195, më 9 tetor dhe 16 tetor.

Më 9 tetor, Këshilli i BE-së miratoi vendimin për masat kufizuese për shkak të përhapjes dhe përdorimit të armëve kimike (CFSP) 2023/2129, me të cilin zgjatet vlefshmëria e tyre.

Me tre vendimet e reja të Këshillit të BE-së, të gjitha vendet kandidate për anëtarësim në BE nga Ballkani Perëndimor, përveç Serbisë – Maqedonia e Veriut, Mali i Zi, Shqipëria dhe Bosnja e Hercegovina – kanë respektuar, të cilat do të sigurojnë që politikat e tyre kombëtare të jenë në përputhje me të, dhe BE-ja e merr parasysh këtë angazhim dhe e mirëpret atë, thuhet në njoftime.

Serbia është ndër vendet e pakta në Evropë që nuk ka vendosur sanksione ndaj Rusisë dhe ka fluturime direkte me Moskën që nga fillimi i pushtimit rus në Ukrainë.

Serbia në të kaluarën ka pasur probleme në raporte me Bashkimin Evropian edhe për shkak të liberalizimit të vizave me disa shtete të treta si Irani, Tunizia, Kuba, Kina, Burundi dhe disa vende të tjera për qytetarët e të cilëve kërkohet viza për udhëtime në BE. Kjo ka ndikuar që qytetarët e këtyre vendeve të vijnë pa viza në Serbi dhe të kalojnë në vendet e BE-së ilegalisht duke shkaktuar rritje të numrit të azilkërkuesve nga këto vende.

/TheGeopost/