Serbia ka intensifikuar lidhjet me shtetin që është i sanksionuar nga SHBA, Iranin.
Pasi Serbia dhe Irani u takuan për të forcuar lidhjet ushtarake vitin e kaluar, prapë këtë vit ka pasur një takim të krerëve të këtyre shteteve për të vendosur për bashkëpunime në shumë fusha.
Kryetari i parlamentit serb, Vladimir Orliq, ka shkuar në Teheran për t’u takuar me homologun e tij iranian, Mohammad Baqer Kalibaf, për të thelluar bashkëpunimin mes dy vendeve.
Ata kanë diskutuar lidhjet parlamentare, bashkëpunimin ekonomik dhe çështjet me interes të përbashkët, njoftoi agjencia zyrtare e lajmeve iraniane IRNA. Ata ranë dakord për të përgatitur terrenin për bashkëpunim të zgjeruar.
Qalibaf renditi sektorët e naftës, petrokimisë dhe turizmit ndër fushat për bashkëpunim më të fortë.
“Për të arritur një rritje të trefishtë të vlerës së tregtisë dypalëshe deri në vitin 2027, grupet parlamentare të miqësisë të dy vendeve duhet të forcojnë marrëdhëniet e tyre dhe të ndihmojnë në aktivizimin e mëtejshëm të sektorit privat iranian dhe serb”, tha ministri iranian.
Ministri iranian tha se Serbia është përgatitur të përmirësojë marrëdhëniet me Iranin në sektorët ekonomikë, industrialë dhe bujqësorë dhe se beson se ka mundësi të shumta.
Orliq tha se shifra e tregtisë dypalëshe do të arrijë në 150 milionë euro në vitin e ardhshëm me zbatimin e një sërë projektesh të përbashkëta.
Përveç Orliq, në Teheran ka shkuar edhe ministrja serbe e mirëqenies familjare, e cila shkroi dje se kishte një takim me ministrin iranian të arsimit.
Aktivitetet e shtuara mes Serbisë dhe Iranit vijnë pas dëshirës së shprehur të Vuçiqit për të blerë armë nga Irani. Ai më parë pati folur me ton të ashpër kundër SHBA-së e BE-së, duke thënë se Serbia do të vazhdojë të armatoset me armë nga Rusia e Kina e nga vende të ndryshme.
“Nëse dikush mendon se ne duhet t’i kërkojmë SHBA-së ose BE-së të vendosin për armët tona, le ta shfuqizojmë shtetin tonë,” kishte thënë më herët Vuçiq.
Në nëntor të vitit 2018, Shtetet e Bashkuara rivendosën zyrtarisht të gjitha sanksionet kundër Iranit që ishin hequr përpara se Shtetet e Bashkuara të tërhiqeshin nga JCPOA.
Irani është kthyer edhe në shqetësim ndërkombëtar për të drejtat e njeriut, sidomos ndaj grave./The Geopost/
Vatanka: Irani i Khameneit është një ‘anije që po fundoset’ 
Profilet e rreme në aksion të organizuar në Serbi, sulmojnë zërat që kritikojnë regjimin e Vuçiqit – Mbyllen instagramet e disa mediave të lira 
“Rënia e flamurit”: Kupyansk, beteja që rrëzon narrativën e Kremlinit 
Dosje dhe dëshmi: Si lidhet Vuçiqi me krimet e luftës në Sarajevë? 
Kush është pjesë e ‘Bordit të Paqes’ të Trumpit për Gazën? 
Policia serbe përdori fondet e BE-së për të blerë teknologji nga një kompani ruse e sanksionuar