Marko Gjuriq, ambasadori i Serbisë në Shtetet e Bashkuara, nënshkroi një kontratë me vlerë 60,000 dollarë në muaj për të reklamuar presidentin serb Aleksandar Vuçiç, njoftoi në llogarinë e tij në Twitter avokati nga Beogradi Čedomir Stojković, i cili është presidenti i Oktobar Group, e cila lufton kundër ndikimit rus në Serbi. Ai sqaron se për shkak të kësaj ‘reklame’ të Vuçiqit në Amerikë, Gjuriq e ka regjistruar Serbinë si agjent të huaj në Departamentin e Drejtësisë të SHBA-së. Stojkoviq ka publikuar edhe dokumente për të mbështetur këto pretendime.
Kur 60,000 dollarë në muaj shumëzohen me 12 muaj, llogaritja tregon se Vuçiq shpenzon 720,000 dollarë në vit nga paratë e qytetarëve serbë në kompaninë amerikane Karv – në mënyrë që, siç thotë Stojkoviç, të bindë senatorët amerikanë për gënjeshtrat e mëposhtme: se ai nuk është diktator; se ai nuk e krijoi Belivuk (Veljko Belivuk, i njohur më mirë si Velja Nevolja, lideri i bandës kriminale “Principi” dhe një narkobos që vriste njerëz në mulli mishi, gjë që Stojkoviq e krahason me skenat e filmit “Kingsman 2”; se ai nuk është i korruptuar; se ai nuk është agjent i Vladimir Putinit dhe ekzekutues i urdhrave të Kremlinit; se ai dëshiron paqen në Ballkan dhe po përpiqet ta arrijë atë dhe se populli i Serbisë e do atë.
“Me keqpërdorimin e parave tona, Aleksandar Vuçiq ka vite që reklamohet në Amerikë dhe në vende të tjera, duke mos lejuar në të njëjtën kohë çdo financim të grupeve politike që e kundërshtojnë”, thekson avokati.
Stojkoviq ka bërë të ditur se do t’i dërgojë një letër Karvit duke i informuar se paratë që kompania po ua merr qytetarëve të Serbisë janë para të korruptuara dhe të vjedhura, pa vullnetin e qytetarëve dhe dijeninë e institucioneve demokratike.
“Nëse kjo praktikë vazhdon, ne do të gjejmë një mënyrë për të informuar publikun amerikan se Karv po promovon diktatorë dhe një regjim që është vërtetuar se krijon kartele droge në Evropë, prandaj Aleksandar Vulin, drejtori i Agjencisë Serbe të Inteligjencës (BIA), është nën sanksione nga Departamenti i Thesarit i SHBA-së”, tha Stojkoviq./The Geopost/



Ministri serb në Moskë: Nuk heqim dorë nga Kosova, partneriteti me Rusinë dhe Kinën mbetet strategjik
REM gjobit televizionet Informer dhe B92: Ndalohen emisionet dhe reklamat, arrestohen gjashtë persona për kërcënime ndaj gazetares
Avokati serb: Dosjet e BIA-s mund ta tronditin Serbinë, nga vrasja e Ivanoviqit te lidhjet e shërbimit me pushtetin
“Radar” publikon dokumentet ekskluzive të mbikëqyrjes sekrete të kritikëve të Vuçiqit nga BIA
Vuçiq fali 49 persona para largimit nga presidenca, në listë ish-zyrtarë dhe persona të përfshirë në incidente
“Mblidhnin vota për SNS-në e Vuçiqit”, avokati Niniq ngre kallëzim penal ndaj tetë zyrtarëve të BIA-s