Serbia ia refuzon lejen e qëndrimit një tjetër kritikut të Putinit, mund të burgoset në Rusi

Shoqëria Demokratike Ruse tha se një nga themeluesit e saj, Vladimir Volokhonski, kishte të gjithë dokumentacionin e nevojshëm, por autoritetet përmendën një rrezik sigurie si arsye për vendimin e tyre.

The Washington Post thotë se policia serbe nuk ka komentuar mbi këtë çështje.

Ndërsa, një kopje e një dokumenti policor të siguruar nga grupi rus tha se një vlerësim sigurie i çështjes së Volokhonski-t tregoi “pengesa” të paspecifikuara për zgjatjen e qëndrimit të tij.

Në fillim të këtij muaji, policia serbe ndaloi përkohësisht hyrjen për një tjetër aktivist të shquar rus kundër luftës, Peter Nikitin, i cili u detyrua të kalonte më shumë se një ditë në aeroportin e Beogradit përpara se të lejohej.

Volokhonski, një politikan opozitar nga Shën Petersburgu, iku në Serbi pas fillimit të pushtimit rus të Ukrainës, tha organizata e tij. Kthimi i tij në Rusi do të nënkuptonte burgim, tha grupi.

Rreth 200,000 qytetarë rusë besohet se kanë ikur në Serbi që nga fillimi i luftës pasi kombi sllav nuk kërkon viza për rusët.

Rusia ka marrëdhënie vëllazërore me Rusinë dhe ato i ka vazhduar edhe pas agresionit të nisur të Rusisë në Ukrainë. Serbia është shteti i vetëm në Europë bashkë me Bjellorusinë që nuk i ka vendosur sanksione Rusisë. Për shkak që Serbia nuk i ka përshtatur politikat e jashtme me Bashkimin Evropian, në vazhdimësi ka marrë kritika derisa në BE ka shqetësime për lidhjet e Serbisë me Rusinë.

Shtetet e Bashkuara vendosën së fundmi sanksione kundër shefit të inteligjencës pro-ruse të Serbisë, Aleksandar Vulin, duke e akuzuar atë për krime dhe korrupsion. Mediat serbe kanë raportuar se Vulin ka përgjuar një takim të opozitës ruse në Beograd në vitin 2021.

Presidenti i Serbisë ka mbrojtur Vulinin duke thënë se SHBA e sanksionoi atë për lidhjet që ka me Rusinë, por jo edhe për korrupsion./The Geopost/