Ministri i Mbrojtjes i Shqipërisë, Ermal Nufi, ka bërë të ditur se Departamenti Amerikan i Shtetit ka miratuar shitjen e mundshme të dy sistemeve të artilerisë raketore M142 HIMARS për Forcat e Armatosura të Shqipërisë.
Përmes një postimi në Facebook, Nufi njoftoi se Departamenti Amerikan i Shtetit ka informuar Kongresin amerikan për këtë shitje të propozuar, vlera e së cilës llogaritet në rreth 210 milionë dollarë.
Paketa përfshin, përveç dy sistemeve HIMARS, edhe municione, trajnimin e personelit ushtarak shqiptar dhe mbështetje për mirëmbajtjen e pajisjeve.
Sipas ministrit, financimi i kësaj blerjeje parashikohet të bëhet përmes një kredie nga programi amerikan i Financimit të Jashtëm Ushtarak (FMF).
Nufi e cilësoi këtë zhvillim si një hap të rëndësishëm në bashkëpunimin e mbrojtjes mes Shqipërisë dhe Shteteve të Bashkuara, duke theksuar se pajisja me HIMARS do të rrisë kapacitetet operacionale të ushtrisë shqiptare.
“Me këto sisteme, Forcat e Armatosura të Shqipërisë do të fitonin aftësinë për të vepruar me saktësi në distanca të gjata, duke forcuar mbrojtjen e vendit dhe kontributin tonë në NATO”, ka deklaruar Nufi.
Sistemi M142 HIMARS është një platformë mobile e artilerisë raketore, e prodhuar në SHBA, e cila mundëson goditjen me precizitet të objektivave në distanca të largëta.
Miratimi i Departamentit amerikan të Shtetit për shitjen e mundshme dhe njoftimi i Kongresit janë hapa në procesin e shitjes, por nuk nënkuptojnë se pajisjet tashmë janë blerë apo dorëzuar.
The GeoPost

Mujanoviq ngre shqetësime për ndeshjet e mundshme Bosnjë-Serbi: Fëmijët boshnjakë mund të vuajnë pasojat
Sasha Raduloviq: Ky është cirku i fundit i SNS-së së Vuçiqit në Kuvendin e Serbisë
Zahner paralajmëron për rrezikun e krizës në Bosnjë: Rusia shfrytëzon veprimet destabilizuese të Dodikut
Gjykata në Beograd lëshon fletarrestim për Milan Radoiçiqin
Lista Studentore, e re në emër por me qëndrime të vjetra ndaj Kosovës
Melodia nacionaliste serbe në Bruksel kundër Kosovës, Marta Kos dhe hija e UDB-së