Këshilli i Rregullatorit për Media Elektronike (REM) në Serbi ka shqiptuar masa ndëshkuese ndaj disa televizioneve, përfshirë Informerin, të cilit ia ka ndaluar transmetimin e dy emisioneve përkatësisht për 15 dhe dhjetë ditë. Ndërkaq, televizionit B92 i është ndaluar transmetimi i reklamave për dy ditë, ndërsa Kuririt i është shqiptuar vërejtje.
Sipas vendimeve të marra të hënën, televizionit Informer i është ndaluar transmetimi i emisionit “Info Jutro” për 15 ditë dhe i emisionit “Srpski Dnevnik” për dhjetë ditë. Përveç kësaj, këtij televizioni i është ndaluar edhe reklamimi për shtatë ditë.
Masat janë shqiptuar pas shqyrtimit të disa ankesave lidhur me raportimin mediatik, përmbajtjen politike të emisioneve dhe shkeljen e heshtjes zgjedhore.
Ndërkohë, mbledhja e REM-it është përcjellë edhe me incidente para zyrave të këtij institucioni në qendër të Beogradit.
Policia serbe ka arrestuar një 16-vjeçar, i dyshuar se ka sulmuar me thikë disa qytetarë gjatë një tubimi të paregjistruar, i cili po mbahej në kohën kur anëtarët e Këshillit të REM-it po zhvillonin mbledhjen.
Me urdhër të Prokurorisë së Lartë Publike në Beograd, ndaj të miturit do të paraqitet kallëzim penal nën dyshimin për kryerjen e veprës penale të sjelljes së dhunshme.
Po ashtu, gjashtë persona janë arrestuar nën dyshimin për thirrje fyese dhe kërcënuese ndaj gazetares dhe kryeredaktores së televizionit Insajder, Brankica Stanković.
Incidenti ndaj gazetares ka ndodhur gjatë ndeshjes së basketbollit ndërmjet Partizanit dhe Maccabi Tel Aviv.
The Geopost

Ministri serb në Moskë: Nuk heqim dorë nga Kosova, partneriteti me Rusinë dhe Kinën mbetet strategjik
Avokati serb: Dosjet e BIA-s mund ta tronditin Serbinë, nga vrasja e Ivanoviqit te lidhjet e shërbimit me pushtetin
“Radar” publikon dokumentet ekskluzive të mbikëqyrjes sekrete të kritikëve të Vuçiqit nga BIA
Vuçiq fali 49 persona para largimit nga presidenca, në listë ish-zyrtarë dhe persona të përfshirë në incidente
“Mblidhnin vota për SNS-në e Vuçiqit”, avokati Niniq ngre kallëzim penal ndaj tetë zyrtarëve të BIA-s
Zyra e Prokurorit të Krimit të Organizuar kërkon urgjentisht dokumentacion mbi faljet e dhëna nga Vuçiq