Ambasadorja e Shteteve të Bashkuara të Amerikës në Kombet e Bashkuara, Linda Thomas-Greenfield, ka thënë së ShBA-të do të vendosin sanksione për Rusinë, pas shkeljes së ligjit ndërkombëtar që ajo bëri, duke njohur dy rajonet separatiste në Ukrainën lindore si pjesë të Rusisë.
Greenfield e tha këtë në një mbledhje të jashtëzakonshme që u mbajt për Ukrainën në Këshillin e OKB-së.
“Shtetet e Bashkuara do të vendosin sanksione ndaj Rusisë për këtë shkelje të qartë të ligjit ndërkombëtar dhe sovranitetit dhe integritetit territorial të Ukrainës. Ne mund, do dhe duhet të qëndrojmë të bashkuar në thirrjet tona që Rusia të tërheqë forcat e saj, të kthehet në tryezën diplomatike dhe të punojë drejt paqes.”, tha Greenfield.
Kujtojmë së situata në mes të Rusisë dhe Ukrainës mbetet e tensionuar dhe tensionet janë rritur edhe më shumë pas njohjes që Rusia i bëri dy rajonove separatiste në lindje të Ukrainës.
“Unë e konsideroj të nevojshme të marr një vendim që duhet të ishte marrë shumë kohë më parë – të njihet menjëherë pavarësia dhe sovraniteti i Republikës Popullore të Donetskut dhe Republikës Popullore të Luhanskut,” ka deklaruar gjatë ditës së djeshme Presidenti i Rusisë, Vladimir Putin.
Ministri i Brendshëm i Shqipërisë: Kemi propagandë ruse në gjuhën serbe 
Biden vë në qendër të vëmendjes Korridorin Lobito të Angolës, trashëgimia e tij për të kundërshtuar Kinën në Afrikë 
Vulin kërkon ligjin rus në Serbi: Ligji për regjistrin e posaçëm të agjentëve të ndikimit të huaj të dorëzohet në Parlament 
Ushtarët amerikanë vazhdojnë të kryejnë patrullime të zbërthyera dhe pika vëzhgimi të sigurisë në Zubin Potok 
Shpërthimi në Zubin Potok, konfiskohen arsenal armësh e pajisje ushtarake 
Paraguai është i përkushtuar ndaj marrëdhënieve me Tajvanin në mes të rritjes së ndikimit kinez në Amerikën Latine