Presidenti serb Aleksandar Vuçiq ka bërë një pretendim të rremë se nuk e ka parë presidentin rus Vladimir Putin në tre vitet e gjysmë. Përveq Sputnik Serbia, këtë deklaratë e kanë raportuar edhe mediat e tjera serbe, si dhe shumica e atyre ruse, ndërsa Vuçiq foli për takimin e planifikuar me Putinin më 9 maj në Moskë.
Vuçiq tha:
“Unë nuk e kam parë Putinin për tre vjet. Dhe shumë prej tyre kanë folur fshehurazi me të, dhe unë njoh të paktën dy udhëheqës botërorë që kanë folur fshehurazi me të”, tha Vuçiq, sipas Sputnik Serbia. Vuçiq shtoi se takimi më 9 maj do të ishte takimi i tij i parë me Putinin pas tre vjet e gjysmë.
Analiza:
Vuçiq e pa Putinin më 17 shkurt 2023 në Pekin – Ndryshe nga pretendimet e tij, Vuçiq u takua me Putinin në margjinat e një takimi ndërkombëtar në Pekin vitin e kaluar. Vetë Vuçiq më pas e konfirmoi publikisht atë takim, duke thënë se kishin një “bisedë të shkurtër”.
Në shkurt 2023, Vuçiq deklaroi: “Unë pashë Presidentin Putin dhe folëm shkurt, shumë shkurt, nuk patëm një takim dypalësh.”
Kjo tregon qartë se Vuçiq mashtroi publikun kur pretendoi se nuk e kishte parë Putinin për tre vjet e gjysmë.
Ky dezinformatim ka motive të qarta politike – për të minimizuar marrëdhëniet e tij me Kremlinin para komunitetit ndërkombëtar, duke ndërtuar në të njëjtën kohë një narrativë të lidhjeve të forta me Moskën në publikun vendas.
https://www.kurir.rs/vesti/politika/9630570/vucic-u-intervjuu-sa-mariom-nafalom
https://www.politika.rs/sr/clanak/670422/vucic-svetski-lideri-tajno-razgovarali-sa-putinom
/The Geopost/
Kozarev dhe ambasadori bjellorus dezinformojnë rreth protestave dhe Kosovës 
Zakharova dezinformon: Brukseli ndërhyn në punët e brendshme të Serbisë 
Lavrov dezinformon sërish për Kosovën dhe Krimenë 
Maslenikov dezinformon: BE-ja ka përjetuar një dështim të plotë në dialogun Kosovë-Serbi 
Dodik përhap dezinformata për rolin e Rusisë në Bosnje dhe Hercegovinë 
Politika përhap dezinformata: Luftë e kontrolluar kundër Serbisë në veri të Kosovës