Sputnik dezinformon për Zelenskyn: Ushtarët ukrainas duan ta rrëzojnë

Mediumi i regjimit të presidentit rus, Vladimir Putin në Rusi “Sputnik” që e transmeton në Serbi “Sputnik Srbija” ka përhapur një dezinformatë kinse ushtarët ukrainas janë duke shqyrtuar mundësinë e rrëzimit të Volodymyr Zelenskyt në një artikull të publikuar më 11 mars.

Çka shkroi Sputnik?

“Komandantët dhe luftëtarët e njësive elitare të Forcave të Armatosura të Ukrainës nuk janë të kënaqur me ndryshimet në udhëheqjen ushtarake të Ukrainës dhe po shqyrtojnë seriozisht mundësinë e largimit të Volodymyr Zelensky nga pozicioni i kreut të shtetit. Ata po shqyrtojnë seriozisht opsionet për përmbysjen e qeverisë aktuale dhe komandës së Forcave të Armatosura të Ukrainës. Nëse populli nuk e mbron Zaluzhnyn, nëse ushtarët nuk e mbrojnë Zaluzhnyn, atëherë ky miu do të silurojë gjithçka. Le të heqim miun e gjelbër dhe të instalojmë Zaluzhnyn”.

Analiza:

“Sputnik” me këtë lajm synon të nxisë përçarjen mes popullit ukrainas për të prishur unitetin mes tyre. Megjithëkëtë ky pretendim i mediumit propagandistik nuk qëndron përderisa Zelensky për dy vjet rresht gjatë pushtimit rus gëzoi 90 përqind të mbështetjes së popullit të tij. Në shkurt 2023, mbi 90 për qind e popullsisë ukrainase miratoi aktivitetet e Volodymyr Zelenskyy si president i vendit. Vlerësimi ishte afërsisht në të njëjtin nivel si në qershor 2022. Gjithashtu, mediumi rus dezinformon që ushtarët ukrainas po e duan Valery Zaluzhnyn, ish-shefin ushtarak, në vend të Zelenskyt kur dihet që marrëdhëniet mes këtyre dyve nuk kanë qenë ndonjëherë të tensionuara. Për më shumë, Zelensky më 7 mars e ka emëruar atë ambasador në Mbretëri të Bashkuar.

/G. Venhari, The Geopost