Mediet serbe dezinformojnë: Shqiptarë të maskuar gjuajtën ndaj pjesëtarëve të Ushtrisë së Serbisë

Portali “Blic”, së bashku me disa media të tjera serbe, publikoi se gjoja “një grup shqiptarësh të maskuar” ka gjuajtur ndaj pjesëtarëve të Ushtrisë së Serbisë pranë kufirit, në rajonin e bazës “Debela Glava”.

Blic shkruan:

“Sot rreth orës 15:00, në rajonin e bazës së Ushtrisë së Serbisë ‘Debela Glava’, një grup i maskuar shqiptarësh ka sulmuar pjesëtarët e Ushtrisë së Serbisë. Grupi i armatosur shqiptar, në rrëzë të kodrës Shop, ka shtënë 15 herë në drejtim të pjesëtarëve të Ushtrisë së Serbisë dhe gjatë kësaj kohe është plagosur një qen që ndodhej në afërsi të patrullës.”

https://www.blic.rs/vesti/hronika/grupa-albanaca-pucala-na-pripadnike-vojske-srbije-u-blizini-administrativne-linije/ebkyyvf

https://www.politika.rs/sr/clanak/710976/albanci-pucali-na-pripadnike-vojske-srbije

https://www.vesti-online.com/mediji-albanci-pucali-na-pripadnike-vojske-srbije/

Analiza:

Policia e Republikës së Kosovës ka demantuar pohimet e disa mediave serbe, ndër to edhe të tabloidit “Blic”, të cilat sot publikuan se gjoja “një grup shqiptarësh të armatosur” ka gjuajtur ndaj pjesëtarëve të Ushtrisë së Serbisë pranë bazës “Debela Glava”.

Në njoftimin zyrtar të Policisë së Kosovës theksohet se këto pretendime janë të pavërteta, të pabazuara dhe përbëjnë dezinformatë që nuk lidhet me asnjë fakt të verifikueshëm në terren.

Policia e Kosovës thekson se situata në zonën kufitare është e qetë, stabile dhe nën kontroll të plotë të institucioneve të Kosovës.

https://www.facebook.com/share/p/1H7qwUVo8x/?mibextid=wwXIfr

/The Geopost/