Në portalin propagandistik rus, i vetmi që operon lirshëm në gjithë Evropën dhe botën perëndimore “Russia Today Balkan” me seli në Beograd, është publikuar një dezinformatë tjetër e radhës.
Në një artikull të publikuar më 19 janar 2024 thuhet se gjoja Brukseli ka një plan për dëbimin e serbëve të Kosovës që të mbesin më pak se një për qind dhe se më pas do të jenë shënjestër kishat dhe manastiret.
Lajmi i dhënë bazohet në një deklaratë të Nebojsha Çoviç, ish-udhëheqës i të ashtuquajturës Zyrë për Kosovën, i cili ka mbajtur shumë funksione zyrtare, përfshirë edhe atë të deputetit. Aktualisht është kryetar i federatës së futbollit të “Crvena Zvezdes”, një klub futbollistik që kthehet në arenë të nacionalizmit serb dhe urrejtjes kundër fqinjëve.
https://lat.rt.rs/srbija-i-balkan/72360-kosovo-metohija-srbi-jedan-posto/
Çka deklaroi Çoviç?
“Në kuadër të takimeve të këtij viti në Davos u organizuan edhe bisedimet për Kosovën. Perëndimi kolektiv është i mbushur me histori për stabilizim dhe normalizim, ndërkohë që gjithçka duket se e bën situatën sa më të paqëndrueshme dhe jonormale. Në këtë kuptim ka edhe vendim të Uashingtonit për shitjen e pajisjeve ushtarake në Kosovë. Me atë vendim, ShBA-të përkrahin drejtpërdrejt represionin dhe aparteidin dhe përfundimin e spastrimit etnik të serbëve nga Kosova. Të gjitha këto janë në përputhje me planin e Prishtinës, i cili po flitet në korridoret e Brukselit se në provincë mund të mbesin maksimumi një për qind e serbëve. Kur t’i shtosh kësaj gjithë kësaj çfarë po përgatitet për 1 shkurt në lidhje me transaksionet e pagesave, atëherë ke një pasqyrë të plotë të zbatimit të atij projekti, duke i reduktuar serbët në më pak se një për qind”, thotë Nebojsha Çoviq për RT Balkan.
Ky lajm është shpërndarë edhe në disa portale proruse në Serbi si, iskra.co.
Analiza:
Kjo është dezinformatë sepse sipas deklaratave zyrtare dhe jozyrtare në Bruksel nuk ka këso lloj plane për zmbrapsjen e serbëve nga Kosova. Përkundrazi, Brukseli pret nga Kosova që të ushtrojë rolin e saj në respektimin e të drejtave të pakicave, ndërsa Kosova ka Kushtetutën më të avancuar në këtë drejtim.
/G Venhari, The Geopost
Dezinformim në Instagram: Pamjet nga Prishtina u paraqitën në mënyrë të rreme si lëvizje drejt Mitrovicës së Veriu 
Propaganda nga Moska: Si i përdorën mediat ruse aktgjykimet e Hagës ndaj drejtuesve të UÇK-së për sulm ndaj Perëndimit 
Si e deformuan mediat serbe protestën në Prishtinë 
Makineria mediatike e regjimit të Vuçiqit dhe ato ruse e shndërrojnë kriminelin e dënuar të luftës, Ratko Mlladiqin, në “hero” 
Portali Borba promovon narrativën e Beogradit, bën propagandë me numrin e njohjeve të pavarësisë së Kosovës 
Kosova sërish në propagandën e Moskës – Medvedev përmend njohjen e Kosovës dhe kërcënon Perendimin për “pasoja”