Ministri i Brendshëm i Gjermanisë, Alexander Dobrindt, ka thënë se një sasi armësh dhe municioni, e gjetur vitin e kaluar afwr Berlinit, ishte planifikuar të përdorej për sulme, dhe se një i dyshuar për rastin është arrestuar në Rumani.
Dobrindt u tha gazetarëve se prokurorët federalë gjermanë kanë nisur hetime për zbulimin e armëve, i cili ishte raportuar fillimisht nga disa media gjermane, raportoi AP.
Ministri nuk e përjashtoi mundësinë e përfshirjes së “fuqive të huaja”, duke thënë se hetimi do të shqyrtojë edhe këtë pistë.
I dyshuari, i cili ndodhet në paraburgim në Rumani, kishte “plane për sulme”, theksoi Dobrindt.
“Hetimi është i drejtuar ndaj veprimtarisë së një shërbimi inteligjent dhe ndaj përgatitjes së një vepre të rëndë penale që rrezikon shtetin”, deklaroi Dobrindt në një konferencë për media në Berlin.
Ai e përshkroi rastin si një “situatë me rrezik të lartë”, por nuk dha detaje të tjera.
Dobrindt shtoi tutje se autoritetet gjermane ishin informuar në tetor për ekzistencën e mundshme të një depoje armësh në një zonë jashtë Berlinit dhe më pas kishin arritur ta lokalizonin atë.
Empatia strategjike: Ndërtimi i kohezionit politik në të gjitha krahët e NATO-s 
Suedia paralajmëron se ushtria robotike e Putinit po synon zgjedhjet gjermane dhe franceze 
Kosova nderon viktimat e sulmeve të 11 Shtatorit 
Budanov: Evropa më në fund po vetëdijesohet për luftën hibride të Rusisë 
Rutte: Rusia është kërcënim afatgjatë, Evropa duhet të forcojë mbrojtjen dhe të rrisë mbështetjen për Ukrainën 
Një projektligj i ri nxjerr në pah përçarjet në Iran për masat e ashpra të sigurisë në kohë lufte