Politikani serb Nikolla Sanduloviq ka reaguar pas betimit të kryetarëve të komunave me shumicë serbe në Kosovë, duke deklaruar se ky akt konfirmon pranimin e institucioneve dhe ligjeve të shtetit të pavarur të Kosovës nga vetë përfaqësuesit lokalë serbë.
Në një postim në Facebook, Sanduloviq tha se të gjithë dhjetë kryetarët e komunave serbe, të rizgjedhur nën presionin e Listës Serbe dhe në atmosferë frike e shantazhi, kanë dhënë betimin e tyre për shtetin e Kosovës, me himnin shtetëror dhe para fotografisë së presidentes Vjosa Osmani.
Ai theksoi se dokumentet janë ndarë në dy gjuhë, shqip dhe serbisht, “që të mos ketë pretendime se dikush po mbron gjuhën, zakonet dhe kulturën serbe në Kosovë”.
Duke e quajtur aktin e betimit një dëshmi të qartë të realitetit politik në vend, Sanduloviq shtroi pyetjen retorike: “A ka gjë tjetër të paqartë në konkluzionin se Kosova është shtet i pavarur dhe se serbët në autoritetet e tyre komunale e njohin si krijesë të tillë?!”
Ai u drejtua edhe ndaj atyre që ende nuk e pranojnë Kosovën si shtet.
“Çfarë kërkoni atëherë ju serbët nga Serbia, Mali i Zi, Maqedonia e Veriut, Kroacia dhe Bosnja e Hercegovina? Qetësia jashtë… Si po ju adreson tashmë bosi juaj Aleksandar Vuçiq!”
Sipas tij, fakti që kryetarët kanë dhënë betimin dhe janë zotuar të respektojnë ligjet e Kosovës, tregon qartë se institucionet lokale të komunitetit serb funksionojnë brenda strukturave të shtetit të pavarur./TheGeopost.
Kandiq: Paunoviq është nga Peja dhe i njeh krimet – deklaratat e saj tregojnë se ideologjia e spastrimit etnik nuk është braktisur 
Si e komentojnë serbët në Kosovë deklaratën e ministres Paunoviq për “spastrimin etnik”? 
Sondazhi i ri në Serbi – Lista Studentore kalon SNS-në e Vuçiqit 
Jovanoviq: Iu kërkoj falje shqiptarëve dhe serbëve të Kosovës, asnjë njeri normal s’e mendon atë që e tha ministrja Paunoviq 
Deputeti i Budenstagut: Serbia duhet ta shkarkojë menjëherë ministren Paunoviq 
Deklarata e Ramës për Kosovën ‘nervozon’ Beogradin, Vuçiq: Realiteti nuk është i lehtë për ne