Lufta kundër çrregullimit informativ duhet të merret seriozisht pasi që dezinformatat dobësojnë edhe besimin në institucionet publike, deklaroi tëhënnë ambasadori i Bashkimit Evropian në Kosovë, Aivo Orav.
Këto deklarata ambasadori Orav i bëri në hapjen e ekspozitës “GlassRoom”, të organizatës jo-qeveritare “TacticalTech” nga Berlini.
Ai tha se ekspozita tregon se si mësimi mund të jetë krijues dhe nxitës, duke nxitur të gjithë të shqyrtojnë më me kujdes botën online dhe të mendojnë kritikisht për informacionin që konsumojnë
“Në botën digjitale të sotme, informacioni përhapet më shpejt se kurrë më parë. Kjo krijon mundësi të reja për lidhje, por edhe rreziqe të reja. Kur faktet shtrembërohen, dobësohet besimi tek institucionet publike. Kur manipulimi zëvendëson dialogun, demokracia ndikohet negativisht. Prandaj Bashkimi Evropian i kushton kaq rëndësi edukimit dhe transparencës. Ne jemi krenarë të punojmë me partnerët në Kosovë që ndajnë këtë vizion: gazetarë, edukatorë, shoqëri civile dhe të rinj”, tha Orav.
Ekspozita do të zgjasë tri ditë në Prishtinë, dhe do të lëvizë edhe në dy komuna të Kosovës, në Mitrovicë të Veriut dhe në Podujevë./The Geopost/

“Radar” publikon dokumentet ekskluzive të mbikëqyrjes sekrete të kritikëve të Vuçiqit nga BIA
Vuçiq fali 49 persona para largimit nga presidenca, në listë ish-zyrtarë dhe persona të përfshirë në incidente
“Mblidhnin vota për SNS-në e Vuçiqit”, avokati Niniq ngre kallëzim penal ndaj tetë zyrtarëve të BIA-s
Zyra e Prokurorit të Krimit të Organizuar kërkon urgjentisht dokumentacion mbi faljet e dhëna nga Vuçiq
Pas humbjes së Vuçiqit, Lista Serbe zotohet se do t’i ruajë lidhjet institucionale me Beogradin
Lista e Studentëve nuk do të bashkëpunojë me Listën Serbe: Gashiq thotë se ajo ka qenë “kontraktor i SNS-it” në Kosovë