Sekretari i Këshillit të Sigurimit të Rusisë, Nikolai Patrushev, ka dezinformuar se Ukraina qëndron pas sulmit në “Crocus City Hall” në Rusi dhe jo ISIS. Ai ka mohuar deklaratat faktike të zyrtarëve perëndimorë se ISIS është përgjegjës për sulmin.
Çka deklaroi Patrushev?
“Ukraina qëndron pas sulmit terrorist në “Crocus City Hall”.
Kur gazetarët rusë e pyetën nëse prapa sulmit terrorist qëndron ISIS apo Ukraina. Patrushev u përgjigj: Sigurisht, Ukraina.
Analiza:
Rusia ka dashur ta fajësojë Ukrainën për sulmin terrorist pranë Moskës që natën kur ndodhi sulmin kur ende nuk dihej asgjë. ISIS publikisht ka marrë përgjegjësinë për sulmin dhe të dyshuarit e arrestuar janë pjesë e grupit islamik. Megjithëkëtë, Rusia vazhdon ta akuzojë Ukrainën rrejshëm se qëndron prapa sulmit. Këshilli i Sigurisë Kombëtare i SHBA-së e kishte bërë të qartë se “ISIS mban përgjegjësinë e vetme për këtë sulm” dhe se “nuk ka pasur asnjë përfshirje ukrainase”. Zyrtarët e inteligjencës kanë mbledhur prej muajsh informacione që sugjerojnë se ISIS mund të organizojë një sulm masiv me viktima në Rusi, konfirmuan zyrtarët amerikanë. Presidenti i Rusisë, Vladimir Putin sugjeroi rrejshëm se sulmuesit po përpiqeshin të arratiseshin në drejtim të Ukrainës. Ukraina ka mohuar me vendosmëri çdo përfshirje. Gjykata e Moskës përmes një postimi në rrjetin Telegram i identifikoi sulmuesit e dyshuar si Dalerdzhon Mirzoyev, Saidakrami Rachabalizoda, Shamsidin Fariduni dhe Mukhammadsobir Faizov. Dy prej tyre, Mirzoyev dhe Rachabalizoda pranuan fajësinë. Sipas mediave ruse, të 4 të dyshuarit ishin shtetas të ish-republikës sovjetike të Taxhikistanit dhe banonin në Rusi.
/The Geopost
Si dezinformon Sputnik për tërheqjen e KFOR-it nga ura mbi Ibër 
Fact-checking: Lista Serbe paraqet si fakt një pretendim të paverifikuar për kinse rrahjen e Nenad Rashkoviqit nga Policia e Kosovës 
Faqja “Stazama Kosmeta” dezinformon duke e devijuar deklaratën e ministrit Sveçla 
“Atak i ri”, “Kurti nuk tërhiqet” – kështu dezinformojnë Sputnik dhe RT Balkan lidhur me rrënimin e objekteve në Ujman 
Mediat serbe dhe proruse përhapin propagandë për udhërrëfyesit turistikë dhe rrënimin e objekteve pa leje në veri të Kosovës 
Si u shndërrua vizita e Presidentit të Shqipërisë në Preshevë dhe Bujanoc në narrativë për “pushtim” dhe “Shqipëri të Madhe”