Drejtori i “Srbia Gas” dhe bashkëpartiaku i Daçiqit, Bajativiq: NATO është fashiste, ka thyer ligjin ndërkombtar

Nënkryetari i Partisë Socialiste të Serbisë (SPS), Dushan Bajatoviq, njëherësh drejtor i “Srbia Gas” e ka quajtur NATO-n fashiste dhe ka thënë se me fushatën e bombardimit në luftën e Kosovës, NATO ka thyer ligjin ndërkombëtar.

Çka deklaroi Bajatoviq?

“NATO, duke bombarduar Jugosllavinë, shkeli të drejtën ndërkombëtare dhe i tregoi gjithë botës se e drejta ndërkombëtare është rregulla e lojës për shtetet dhe kombet e vogla dhe se nuk ka rregulla për të fortët. Ata ndihmuan Kroacinë të dëbonte 250 mijë qytetarë kroatë të kombësisë serbe. Perëndimi nuk pa asgjë të tmerrshme në këtë. 300 mijë serbë u dëbuan gjithashtu nga Kosova. Dhe e gjithë kjo është normale për ta. Pastaj bombarduan Serbinë vetëm për ta grabitur dhe për t’ia marrë vendit tonë Kosovën, që përfaqëson 17 për qind të territorit serb”, tha ai.

Analiza:

Dushan Bajatoviq dezinformon se NATO ndërhyri në luftën e Kosovës duke thyer ligjin ndërkombëtar meqenëse arsyeja pse NATO nisi bombardimin ishte për të ndalë spastrimin etnik që regjimi i kriminelit të luftës Sllobodan Milloshevic ishte duke e bërë kundër shqiptarëve të Kosovës. Më shumë se 10,000 civilë janë vrarë në Kosovë gjatë luftës dhe u detyruan 1.2 millionë njerëz të shpërnguleshin nga Kosova nëpër vendet e rajonit. NATO ndërhyri edhe për ta ndalur një zgjerim të konfliktit. Sulmet ajrore zgjatën nga 24 mars 1999 deri më 10 qershor 1999 dhe çuan në tërheqjen e forcave serbe nga Kosova. Nga ajo kohë NATO përmes KFOR-it vazhdon të ruajë paqen dhe stabilitetin.

/The Geopost