Në një tjetër shpërthim të makinerisë propagandistike ruse, ministri i Jashtëm rus Sergei Lavrov ka përdorur sërish Kosovën si armë për të justifikuar agresionin rus. Në një intervistë për Kommersant, Lavrov bëri dezinformata për pavarësinë e Kosovës.
Lavrov tha:
“Për Perëndimin, e drejta e vetëvendosjes padyshim varet nga kush e kërkon. Jo, nuk mundeni, ju jeni sllavë dhe këtu kemi shqiptarë. Këto janë gjëra raciste. Ne nuk i detyrohemi askujt më asgjë, do të sillemi si të duam.”
Ata nuk u interesuan për këtë. Ata thjesht vendosën rrugën për shkëputje. Për më tepër, në Kosovë nuk ka pasur referendum. Aty, përfaqësuesi i OKB-së, ish-presidenti i turpëruar finlandez, Martti Ahtisaari, thjesht u ngrit dhe tha se Kosova tani është e pavarur – pa referendum, asgjë. Amerikanët i thanë “Kjo duhet bërë”, dhe ai e bëri”, tha Lavrov.
https://www.blic.rs/vesti/svet/lavrov-ponovo-o-krimu-i-kim-samo-su-rekli-da-je-kosovo-nezavisno/
Analiza:
Edhe pse nuk u mbajt një referendum klasik, rruga drejt pavarësisë së Kosovës ishte një proces shumëvjeçar politik, juridik dhe ndërkombëtar. Pas represionit brutal dhe krimeve të luftës kundër Shqiptarëve në vitet 1990, përfshirë spastrimin etnik, ndërhyrja e NATO-s në vitin 1999 ndaloi gjenocidin dhe Kosova u vendos nën administrimin ndërkombëtar të OKB-së.
https://www.nato.int/cps/en/natohq/topics_49602.htm?
Plani i Ahtisaarit parashikonte gjithashtu mekanizma për mbrojtjen e pakicave, një kornizë demokratike dhe mbikëqyrje ndërkombëtare, të cilat Serbia nuk ka qenë kurrë e gatshme t’i pranojë, pasi qëllimi i saj ishte të vazhdonte dominimin e saj mbi popullin shqiptar.
https://www.securitycouncilreport.org/
Lavrov ankohet për shkeljen e pretenduar të integritetit territorial të Serbisë, ndërsa në të njëjtën kohë justifikon pushtimin brutal të Ukrainës nga Rusia, aneksimin e Krimesë dhe përpjekjet e saj për të shkatërruar sovranitetin e vendit. Narrativa serbo-ruse e një ‘shkeljeje të ligjit ndërkombëtar’ bie para krimeve të veta dhe standardeve të dyfishta të propaganduara nga Lavrov.
Lavrov hesht qëllimisht për faktin vendimtarqë Gjykata Ndërkombëtare e Drejtësisë në Hagë vendosi në vitin 2010 se shpallja e pavarësisë së Kosovës nuk shkel të drejtën ndërkombëtare. Në opinionin e saj, të kërkuar nga Asambleja e Përgjithshme e OKB-së, Gjykata deklaroi qartë:
“Shpallja e pavarësisë së Kosovës më 17 shkurt 2008 nuk ka shkelur asnjë rregull të së drejtës ndërkombëtare”
Ky aktgjykim hedh poshtë drejtpërdrejt të gjitha pretendimet e Lavrov për “paligjshmërinë” e pavarësisë së Kosovës.
Dokumenti i plotë gjendet në këtë link:
https://www.icj-cij.org/node/101885
/G.Venhari/
Dezinformim në Instagram: Pamjet nga Prishtina u paraqitën në mënyrë të rreme si lëvizje drejt Mitrovicës së Veriu 
Propaganda nga Moska: Si i përdorën mediat ruse aktgjykimet e Hagës ndaj drejtuesve të UÇK-së për sulm ndaj Perëndimit 
Si e deformuan mediat serbe protestën në Prishtinë 
Makineria mediatike e regjimit të Vuçiqit dhe ato ruse e shndërrojnë kriminelin e dënuar të luftës, Ratko Mlladiqin, në “hero” 
Portali Borba promovon narrativën e Beogradit, bën propagandë me numrin e njohjeve të pavarësisë së Kosovës 
Kosova sërish në propagandën e Moskës – Medvedev përmend njohjen e Kosovës dhe kërcënon Perendimin për “pasoja”