Ministri i Jashtëm i Rusisë, Sergei Lavrov, ka dezinformuar mbi qëllimet e Perëndimit në luftën në Ukrainë duke thënë se nuk duan ta shmangin përshkallëzimin, por se kërkon luftë. Lavrov gjithashtu tha se kërkesa e Ukrainës për të përdorur raketa me rreze të gjatë “Storm Shadow” është shantazh.
Çka deklaroi Lavrov?
“Ky është shantazh, një përpjekje për të pretenduar se Perëndimi kërkon të shmangë çdo përshkallëzim të tepruar. Në të vërtetë, ata janë plot me ligësi. Shmangia e përshkallëzimit nuk është ajo që kërkon Perëndimi. Për ta thënë në gjuhë të thjeshtë, ata thjesht po zgjedhin një luftë. Mendoj se kjo është bërë e qartë për të gjithë. Ne kemi dëgjuar prej kohësh spekulime për autorizimin e Ukrainës për të përdorur jo vetëm raketat Storm Shadow, por edhe raketa me rreze të gjatë veprimi të prodhuar nga SHBA. Kishte një burim anonim në Uashington i cili tha se ata po punonin për të. Ky burim pretendoi se pikëpamja e tyre e përgjithshme për kërkesën e Ukrainës është mjaft pozitive. Unë do të ndalem në këtë. Presidenti Vladimir Putin tha gjithçka për këtë pak kohë më parë”.
Analiza:
Ukraina ka kërkuar leje nga Perëndimi për të përdorur raketa me rreze të gjatë “Storm Shadow” për të shkatërruar objektiva thellë brenda Rusisë, duke besuar se kjo mund ta detyrojë Moskën të negociojë për t’i dhënë fund luftimeve. Pra, ka tentuar ta përdorë si një mënyrë për të ndalë luftën shkatërruese të Rusisë në Ukrainë. Por, kjo kërkesë deri më tani nuk e ka mbështetjen e SHBA-së dhe komentet e Lavrovit se një “burim” iu ka thënë se janë duke punuar në aprovim të kërkesës është dezinformatë.
Lavrov në vazhdimësi dezinformon se Perëndimi dëshiron luftë me Rusinë, ndonëse dihet se Perëndimi ka bërë shumë përpjekje që të ndalet lufta dhe të ndalen vuajtjet njerëzore në Ukrainë. Për këtë qëllim ishte organizuar një samit ndërkombëtar i paqes, i quajtur zyrtarisht Samiti për Paqen në Ukrainë, i cili u mbajt në Bürgenstock Resort në Zvicër më 15-16 qershor 2024. Konferenca pasoi një seri prej katër takimesh të mëparshme ndërkombëtare dhe u organizua nga presidentja zvicerane Viola Amherd. Edhe këtë samit Rusia e kishte bojkotuar meqë nuk ishte e interesuar për të bërë paqe.
/G. Venhari, The Geopost
Si dezinformon Sputnik për tërheqjen e KFOR-it nga ura mbi Ibër 
Fact-checking: Lista Serbe paraqet si fakt një pretendim të paverifikuar për kinse rrahjen e Nenad Rashkoviqit nga Policia e Kosovës 
Faqja “Stazama Kosmeta” dezinformon duke e devijuar deklaratën e ministrit Sveçla 
“Atak i ri”, “Kurti nuk tërhiqet” – kështu dezinformojnë Sputnik dhe RT Balkan lidhur me rrënimin e objekteve në Ujman 
Mediat serbe dhe proruse përhapin propagandë për udhërrëfyesit turistikë dhe rrënimin e objekteve pa leje në veri të Kosovës 
Si u shndërrua vizita e Presidentit të Shqipërisë në Preshevë dhe Bujanoc në narrativë për “pushtim” dhe “Shqipëri të Madhe”