Brnabiq dezinformon për situatën në Kosovë: Kurti dëshiron të nisë luftë

Kryetarja e Kuvendit të Serbisë, Ana Brnabiq, ka dezinformuar për kryeministrin e Kosovës, Albin Kurti, se dëshiron luftë me Serbinë. Ajo gjithashtu ka vazhduar edhe dezinformatat që zyrtarët serbë po i bëjnë se në Kosovë po “ndodh spastrim etnik” kundër serbëve.

Çka deklaroi Bërnabiq?

“Situata në Kosovë është më e rënda deri më tani, sepse me sa duket, kryeministri i Kosovës, Albin Kurti, dëshiron të pastrojë etnikisht serbët dhe të provokojë një konflikt me Beogradin. Kjo sepse më duket se Kurti nuk ka zgjidhje apo rrugëdalje tjetër nga politika e tij, përveçse të provokojë konflikt të armatosur, pra luftë me Beogradin, prandaj është më arroganti dhe më i pamaturi deri më tani sepse ai është plotësisht i shtyrë pas murit dhe kjo është mënyra e vetme për të dalë. Është në interesin tonë që presidenti i Serbisë, Aleksandar Vuçiq, të përpiqet të ruajë paqen”.

Analiza:

Kryetarja e Kuvendit serb dezinformon për kryeministrin Albin Kurti se dëshiron luftë me Serbinë. Kjo nuk qëndron meqë edhe Kurti edhe vetë shteti i Kosovës kërkon të bëjë paqe me Serbinëdhe për këtë është i angazhuar në dialogun në Bruksel për arritjen e një marrëveshjeje për normalizim raportesh. Në fakt ka qenë vetë Serbia e cila ka refuzuar të nënshkruajë njëmarrëveshje që u arrit në Ohër e cila çon drejt një paqeje të qëndrueshme mes dy vendeve.

Derisa për Kurtin dezinformon, Bërnabiq për presidentin serb Vuçiq thotë se po e ruan paqen kur në fakt është krejt e kundërta. Vuçiq vazhdon të ndjekë narrativën nacionaliste të viteve të 90-ta kundrejt fqinjëve të tij dhe në rajonin e Ballkanit Perëndimor është burimi i destabilitetit.

Në vend të zbatimit të kësaj marrëveshje, Serbia u angazhua që të nxisë trazira në Kosovë përmes strukturave ilegale që i dirigjon nga Beogradi. Nga këto trazira dhjetëra ushtarë të KFOR-it mbetën të lënduar, disa të gjymtë, pasi u sulmuan nga këto grupe serbe në veri të Kosovës. Ndërsa grupi terrorist në krye me Milan Radojiçiqin kryen sulm terrorist në Banjskë. Gjithashtu Serbia shpesh ka ngritur në gatishmëri ushtrinë në kufi me Kosovën si pjesë e provokimeve të saj për konflikte.

/The Geopost