Demokratët Evropianë kanë reaguar ndaj deklaratave të presidentit të Serbisë, Aleksandar Vuçiq, lidhur me Kosovën, duke kritikuar retorikën e tij dhe duke vlerësuar se qëndrime të tilla pengojnë procesin e pajtimit dhe stabilitetin në Ballkanin Perëndimor.
Përmes një reagimi të publikuar në platformën “X”, Demokratët Evropianë kanë thënë se Vuçiq “edhe një herë ka pohuar se Kosova është pjesë e Serbisë”, duke e cilësuar këtë qasje si një rikthim të narrativave që dëmtojnë përpjekjet për normalizimin e marrëdhënieve në rajon.
“Dje, presidenti Aleksandar Vuçiq edhe një herë deklaroi se Kosova është pjesë e Serbisë, duke rikthyer retorikën që minon pajtimin dhe stabilitetin rajonal”, thuhet në reagimin e tyre.
Demokratët Evropianë kanë lidhur deklaratat e Vuçiqit edhe me komentet e fundit të ministres serbe Snezhana Paunoviq, e cila kishte deklaruar se do ta kishte “spastruar etnikisht” Kosovën në vitin 1998.
Deklaratat e tilla thonë DE, janë dënuar gjerësisht në Evropë, por nuk kanë sjellë pasoja politike në Serbi.
“Udhëheqja përcaktohet jo vetëm nga qëndrimet që mban, por edhe nga retorika që toleron dhe legjitimon”, kanë theksuar Demokratët Evropianë.
Ata kanë bërë thirrje për një qasje më të përgjegjshme politike në Ballkanin Perëndimor, duke theksuar se e ardhmja evropiane e rajonit nuk mund të ndërtohet mbi narrativa nacionaliste, por mbi besimin e ndërsjellë, përgjegjësinë dhe vlerat demokratike.
“Ballkani Perëndimor ka nevojë për udhëheqje të përgjegjshme, të përkushtuar ndaj dialogut, pajtimit dhe respektimit të së drejtës ndërkombëtare”, thuhet në reagim.
Reagimi vjen në një periudhë kur procesi i dialogut ndërmjet Kosovës dhe Serbisë vazhdon të përballet me tensione politike, ndërsa deklaratat e zyrtarëve serbë për statusin e Kosovës mbeten një nga çështjet kryesore të përplasjes mes dy palëve.
The GeoPost
Yesterday, President Aleksandar Vučić once again asserted that Kosovo is part of Serbia, reviving rhetoric that undermines reconciliation and regional stability. His statement comes only days after Minister Snežana Paunović declared that she would have “ethnically cleansed”… pic.twitter.com/3DuB5lNONQ
— European Democrats (@democrats_eu) July 26, 2026
Petkoviq me narrativa propaganduese, përdor ceremoninë fetare në Prizren për sulme politike ndaj Kosovës 
“Banjska nuk ndodhi pa dijeninë e Beogradit”, Janjiq: Nëse Radoiçiq flet, Vuçiq mund të përballet me pasoja 
Mesazh kërcënues nga Beogradi: Vuçiq para ushtarëve me retorikë të rrezikshme ndaj Kosovës 
BE sanksionon një platformë të madhe kriptovalutash, ndihmoi Rusinë 
Edhe 30 ditë paraburgim pjesëtarit serb të MUP-it, dyshohet se kidnapoi Milan Vukashinoviqin në Leposaviq 
Paunoviq s’ndalet: Jo vetëm që nuk kërkon falje, por e rikonfirmon deklaratën për “spastrimin etnik” të Kosovës