Kremlini kijon një formë të re propagande: Përmes Sputnik trajnon gazetarë të huaj për AI

Agjencia shtetërore ruse “Rossotrudnichestvo”, e cila merret me promovimin e interesave të Rusisë jashtë vendit, ka njoftuar nisjen e një programi të ri trajnimi për profesionistë të medias nga vendet e ashtuquajtura “Jugu Global”, duke e paraqitur nismën si shkëmbim kulturor.

Sipas njoftimit, kurset do të mbahen në Moskë dhe do të përfshijnë gazetarë, redaktorë dhe blogerë nga Brazili, India, Afrika e Jugut, Egjipti dhe Tunizia.

Organizatorët thonë se pjesëmarrësit do të ndjekin seminare të udhëhequra nga specialistë të medias shtetërore propagandistike ruse Sputnik, ndërsa një pjesë qendrore e programit do të jetë përdorimi i mjeteve të inteligjencës artificiale në media.

Nisma vlerësohet si pjesë e strategjisë së “fuqisë së butë” së Moskës, me të cilën Rusia synon të zgjerojë ndikimin e saj në Azi, Afrikë dhe Amerikën Latine përmes projekteve të quajtura “edukative” dhe “kulturore”.

Në këtë mënyrë, Kremlini synon të ndërtojë një rrjet të qëndrueshëm kontaktesh mediatike jashtë Rusisë, duke kultivuar bashkëpunim dhe afërsi me zëra lokalë, të cilët mund të shërbejnë si kanale për përhapjen e narrativave ruse në audienca rajonale, ku besueshmëria e “burimeve vendore” është shpesh më e lartë sesa e mediave të huaja.

The Geopost

⚡️ The russian state agency “rossotrudnichestvo,” which promotes russia’s interests abroad, has announced the launch of another “training program” for media professionals from the Global South under the guise of cultural exchange.#AI #FIMI #russia #Africa #Asia #Latinoamérica pic.twitter.com/Ien9sAaPoM

— Center for Countering Disinformation (@CforCD) April 20, 2026