Politikani serb Nikolla Sanduloviq ka reaguar pas betimit të kryetarëve të komunave me shumicë serbe në Kosovë, duke deklaruar se ky akt konfirmon pranimin e institucioneve dhe ligjeve të shtetit të pavarur të Kosovës nga vetë përfaqësuesit lokalë serbë.
Në një postim në Facebook, Sanduloviq tha se të gjithë dhjetë kryetarët e komunave serbe, të rizgjedhur nën presionin e Listës Serbe dhe në atmosferë frike e shantazhi, kanë dhënë betimin e tyre për shtetin e Kosovës, me himnin shtetëror dhe para fotografisë së presidentes Vjosa Osmani.
Ai theksoi se dokumentet janë ndarë në dy gjuhë, shqip dhe serbisht, “që të mos ketë pretendime se dikush po mbron gjuhën, zakonet dhe kulturën serbe në Kosovë”.
Duke e quajtur aktin e betimit një dëshmi të qartë të realitetit politik në vend, Sanduloviq shtroi pyetjen retorike: “A ka gjë tjetër të paqartë në konkluzionin se Kosova është shtet i pavarur dhe se serbët në autoritetet e tyre komunale e njohin si krijesë të tillë?!”
Ai u drejtua edhe ndaj atyre që ende nuk e pranojnë Kosovën si shtet.
“Çfarë kërkoni atëherë ju serbët nga Serbia, Mali i Zi, Maqedonia e Veriut, Kroacia dhe Bosnja e Hercegovina? Qetësia jashtë… Si po ju adreson tashmë bosi juaj Aleksandar Vuçiq!”
Sipas tij, fakti që kryetarët kanë dhënë betimin dhe janë zotuar të respektojnë ligjet e Kosovës, tregon qartë se institucionet lokale të komunitetit serb funksionojnë brenda strukturave të shtetit të pavarur./TheGeopost.
Sipas raportit të BE-së për Serbinë: Korrupsioni nuk po dobësohet, presioni mbi median po rritet 
Mediat ruse dezinformojnë rreth Rezolutës së kongresistëve amerikanë për mbështetjen e anëtarësimit të Kosovës në NATO 
Spini parazgjedhor i Beogradit: Petkoviq dezinformon për arrestimin e drejtorëve të institucioneve paralele në Kosovë 
Shqipëria: Porto Romano dhe Korridori VIII, projekte kyç për mobilitetin e NATO-s 
Milanoviç: Vuçiq po frikëson qytetarët me histori komike për sulm nga kroatët dhe shqiptarët 
Forumi “Octopus”: Serbia po përdor luftë hibride për të ndikuar zgjedhjet në Kosovë