Vladislav Maslenikov, drejtor i Departamentit të Çështjeve Evropiane në Ministrinë e Jashtme ruse, po përhap dezinformata duke pretenduar se Bashkimi Evropian ka përjetuar një “dështim të plotë” si ndërmjetës në dialogun Kosovë-Serbi.
Çfarë tha Maslenikov:
“Bashkimi Evropian ka përjetuar një dështim të plotë si ndërmjetës midis Beogradit dhe Prishtinës dhe për shumë vite ka dështuar të respektojë angazhimet e tij për të formuar Asociacionin e Komunave Serbe”, tha Maslenikov në panelin “Rajoni i Ballkanit në sistemin e sigurisë euroaziatike”.
Analiza:
Maslenikov po përpiqet të diskreditojë Bashkimin Evropian dhe përpjekjet e tij ndërmjetësuese, ndërkohë që fsheh rolin destruktiv të Serbisë në dialogun me Kosovën.
Por faktet tregojnë të kundërtën. Pavarësisht të gjitha sfidave, BE-ja mbetet i vetmi lehtësues i besueshëm dhe konstruktiv i dialogut. Brukseli nuk po punon vetëm për një marrëveshje, por edhe për stabilitet dhe siguri afatgjatë në Ballkanin Perëndimor, i cili ofron një perspektivë të qartë evropiane për të gjitha vendet në rajon.
Bashkimi Evropian është adresa kryesore për të ardhmen e Ballkanit – si politikisht ashtu edhe ekonomikisht. Anëtarësimi i plotë në BE mbetet e vetmja rrugë realiste drejt paqes së qëndrueshme, zhvillimit dhe tejkalimit të konflikteve të kaluara./N.A./
Dezinformim në Instagram: Pamjet nga Prishtina u paraqitën në mënyrë të rreme si lëvizje drejt Mitrovicës së Veriu 
Propaganda nga Moska: Si i përdorën mediat ruse aktgjykimet e Hagës ndaj drejtuesve të UÇK-së për sulm ndaj Perëndimit 
Si e deformuan mediat serbe protestën në Prishtinë 
Makineria mediatike e regjimit të Vuçiqit dhe ato ruse e shndërrojnë kriminelin e dënuar të luftës, Ratko Mlladiqin, në “hero” 
Portali Borba promovon narrativën e Beogradit, bën propagandë me numrin e njohjeve të pavarësisë së Kosovës 
Kosova sërish në propagandën e Moskës – Medvedev përmend njohjen e Kosovës dhe kërcënon Perendimin për “pasoja”