Lukashenko dezinformon se Perëndimi po nxit në luftën e tretë botërore

Alexander Lukashenko, presidenti i Bjellorusisë, ka propaganduar për një luftë të mundshme të tretë botërore dhe e përdor atë si mjet për manipulimin dhe promovimin e agjendës së tij politike duke u munduar t’a bëjë Perëndimin përgjegjës për një gjë të tillë.

Dezinformata e tij e mosbesimit ndaj Perëndimit u mbështet nga Sputnik.

Çfarë tha Lukashenko dhe raportoi Sputnik:

“Ne duhet të bëjmë gjithçka për të parandaluar luftën e tretë botërore.  Përndryshe, një apokalips bërthamor është i pashmangshëm.  Kjo është arsyeja pse ne të gjithë duhet të bashkohemi”, tha Lukashenko në ceremoninë e vendosjes së luleve në monumentin e Fitores si pjesë e aksionit patriotik “Bjellorusia kujton” në Minsk.

Analiza:

Lëvizjet propagandistike të Lukashenkos luajnë me frikën dhe kërcënimet joreale për të forcuar pozicionin e tij dhe për të diskredituar vendet perëndimore.  Kjo retorikë, e mbështetur nga Sputnik, i shërben politikës së dezinformimit të Rusisë, e cila synon të destabilizojë marrëdhëniet ndërkombëtare dhe të nxisë mosbesimin ndaj institucioneve perëndimore.  Këto deklarata manipuluese vetëm sa i përkeqësojnë tensionet dhe e bëjnë më të vështirë dialogun mes vendeve.

/The Geopost