I dërguari special i Kremlinit e braktis Putinin, arratiset nga Rusia

Anatoli Chubais, arkitekti i reformave ekonomike të Rusisë post-sovjetike, e ka lënë postin e tij si i dërguar special i Kremlinit dhe është larguar nga vendi.

Chubais, i cili dikur shërbeu si shefi i shtabit të ish-presidentit Boris Yeltsin, la postin e tij si përfaqësues special i Vladimir Putin për lidhjet me organizatat ndërkombëtare, raporton Reuters.

Ai u emërua në postin, i cili u ngarkua për “arritjen e qëllimeve të zhvillimit të qëndrueshëm”, në 2020 ditë pasi dha dorëheqjen si kreu i firmës shtetërore të teknologjisë RUSNANO, të cilën ai e drejtonte që nga viti 2008.

Shumë rusë fajësojnë Chubais për lejimin e një grupi të vogël manjatësh të pasurohen në privatizimet e viteve 1990, ndërsa miliona rusë mbetën në varfëri mes kolapsit ekonomik dhe krizës.