Presidenti Niinisto përsëriti mundësinë e Finlandës për të aplikuar për anëtarësimin në NATO

Presidenti finlandez Sauli Niinisto  ka reflektuar mbi krizën në Ukrainë dhe tensionet aktuale globale, duke thënë se epoka e pas Luftës së Ftohtë kishte mbaruar dhe se politikat e fuqive të mëdha ishin në një gjendje fluksi.

“Por sa herë që ndryshon forma e gjeopolitikës, ndikimet ndihen edhe nga vendet më të vogla se fuqitë e mëdha. Ndonjëherë veçanërisht nga ato.”

Nocionet e sferave të interesit janë të vjetruara, sipas Niinisto, i cili tha se ultimatumet e fundit të Rusisë drejtuar SHBA-së dhe NATO-s për zgjerimin e mëtejshëm të aleancës shqetësojnë gjithashtu Evropën.

Thënë kështu, Niinisto i bëri thirrje BE-së të marrë një rol më aktiv, duke thënë se Evropa duhet të bëjë më shumë sesa “të dëgjojë”.

“Sovraniteti i disa shteteve anëtare, gjithashtu Suedisë dhe Finlandës, është sfiduar nga jashtë bashkimit Eurropian. Kjo e bën BE-në një palë të përfshirë. BE-ja nuk duhet të vendoset thjesht me rolin e një koordinatori teknik të sanksioneve.”

Niinistö përsëriti mundësinë e Finlandës për të aplikuar për anëtarësim në NATO.

“Hapësira e Finlandës për të manovruar dhe liria e zgjedhjes përfshijnë gjithashtu mundësinë e rreshtimit ushtarak dhe aplikimit për anëtarësim në NATO, nëse ne vetë vendosim kështu.”