Koreja e Jugut dhe Japonia njoftuan dje (e mërkurë) se Koreja e Veriut ka kryer një test me një raketë që mesa duket ishte balistike.
Raketa u lëshua nga një zonë brenda vendit në drejtim të brigjeve të saj lindore, sipas zyrtarëve të lartë ushtarakë të Koresë së Jugut. Roja bregdetare e Japonisë tha gjithashtu se raketa mund të jetë balistike.
Kryeministri japonez Fumio Kishida e cilësoi provën si diçka të papranueshme. Ai tha se qeveria e tij do të forcojë vigjilencën dhe mbikëqyrjen e saj më shumë se kurrë dhe se aktualisht po zhvillon një analizë të detajuar dhe urgjente.
Lidhur me provën nuk janë dhënë detaje të mëtejshme, as mbi tipin e raketës apo se çfarë distance kreu dhe ku ra.
Prova vjen vetëm disa ditë pas fjalimit të fundvitit të udhëheqësit të Phenianit Kim Jong Un, i cili u përqendrua tek problemet e brendshme ekonomike dhe jo përparimet ushtarake.
Kjo është prova e parë e Phenianit që nga tetori, kohë kur Koreja e Veriut testoi një raketë balistike të lëshuar nga një nëndetëse.
Pheniani ka testuar shpesh raketa balistike me rreze të shkurtër veprimi që nga mesi i vitit 2019, menjëherë pas dështimit të negociatave bërthamore mes udhëheqësit të phenianit Kim Jong Un dhe ish-Presidentit të SHBA Donald Trump.
Kongresisti Wilson: Serbia të ndalë kërcënimet ndaj Kosovës dhe të shkëputet nga Moska 
Nga nëntori, rusët, kinezët dhe turqit do të kenë nevojë për viza për të hyrë në Mal të Zi 
FAZ rikthen të kaluarën e Vuçiqit: Nga Varrezat Hebraike të Sarajevës te retorika e “Serbisë së Madhe” 
Nëna e njërit prej të rinjve të vrarë në “Panda” paralajmëron padi: Vuçiq e di të vërtetën, shteti serb i vrau fëmijët tanë 
Si i rekruton Rusia të huajt për luftën në Ukrainë: Nga ofertat joshëse deri te mashtrimi 
Lufta paralizon jugun e Iranit: Errësirë, mungesë karburantesh dhe varka të shkatërruara