“Terroristët shpërblejnë terroristët” – Dodik nderon Vladimir Putin dhe Jacques Hogard

Gjatë përkujtimit të ditës antikushtetuese të Republikës Srpska, Presidenti i Republikës Srpska Milorad Dodik nderoi kolonelin e pensionuar të ushtrisë franceze Jacques Hogard dhe presidentin rus Vladimir Putin.

Ai e shpërbleu Hogard-in për “shërbimin e tij meritor në promovimin e interesave serbe” dhe për veprimet e tij ushtarake në Kosovë.

Në një ceremoni për shënimin e Ditës së Republikës Srpska, koloneli francez në pension u prezantua si “hero” dhe “shpëtimtar” i serbëve.

Ambasadori i Ukrainës në Kroaci Vasyl Kyrylych ka reaguar me rastin e dhënies së çmimit Putinit.

Në një postim në Twitter, ai deklaroi se terroristët i shpërblejnë terroristët.

“Terroristët shpërblejnë terroristët. Shërbëtorët shpërblejnë zotërinjtë e tyre. Si të parët ashtu edhe të dytët sundohen nga frika. Me kalimin e kohës, kjo frikë gërryen si terroristin ashtu edhe shërbëtorin”, shkroi Kyrylych në Twitter.

Teroristi nagrađuju teroriste. Sluge nagrađuju svoje gospodare. I prvima i drugima upravlja strah. S vremenom taj strah izjeda i terorista i slugu. pic.twitter.com/kmYE86eL5y

— Vasyl Kyrylych (@VasylKyrylych) January 8, 2023

“I jemi mirënjohës presidentit të Federatës Ruse, Vladimir Putin”, tha Dodik, duke theksuar se pozita e Republikës Srpska është ruajtur falë Rusisë.

Presidenti i Republika Srpska, Milorad Dodik, konsiderohet si një nga të paktët politikanë që mban marrëdhënie të mira me Putinin edhe pas pushtimit rus të Ukrainës.

Ai shpesh mbështetet tek Rusia dhe mbështet punën dhe veprimet e saj, veçanërisht pas agresionit.

Dodik, duke ndjekur shembullin e presidentit serb Aleksandar Vuçiq, ende nuk e ka dënuar pushtimin rus dhe, si shumica e vendeve të Evropës dhe botës, nuk ka vendosur sanksione ndaj këtij vendi./The Geopost/