Partia proruse serbe ne Mal të Zi është lidhur me Partinë proruse serbe ne Bosnjë, pasi kryetari i Parlamentit të Malit të Zi dhe Demokracisë së Re Serbe, Andrija Mandiq, peesidenti i entitetit boshnjak Republika Srpska, Milorad Dodik kanë nëshkruar marrëveshje, derisa edhe kanë ndarë qëndrimet e tyre të përbashkëta.
Kjo me rastin e vizitës së Dodikut në Mal të Zi, për çka Mandiq tha se ishte nder dhe kënaqësi. Ndërsa Dodik tha se është atje “për të mbështetur paqen, stabilitetin dhe zhvillimin e Malit të Zi”.
“Ne duam që Mali i Zi të krijojë marrëdhëniet më të mira me fqinjët e tij, nëse nuk keni një sens të mprehtë për nevojat e tyre, atëherë diçka nuk është në rregull me ju. Kemi pasur biseda të rëndësishme. NSD dhe SNSD janë parti simotra. Marrëdhëniet tona janë më të mirat e mundshme”, u tha Mandiq gazetarëve pas takimit me Dodik.
Mandiq thekson se kushdo që respekton Dejtonin respekton Republikën Srpska dhe se kushdo që respekton Bosnjën dhe Hercegovinën nuk mund ta respektojë atë pa RS.
“Ne e respektojmë RS-në, sepse e respektojmë Bosnjën dhe Hercegovinën. Ky është vendimi i fuqive të mëdha, kështu mori vendim Dejtoni. Mali i Zi respekton Bosnjën dhe Hercegovinën, Mali i Zi respekton RS-në, e cila krijoi Bosnje-Hercegovinën me Federatën e Bosnjë-Hercegovinës. Prandaj sot ia kam përcjellë Dodikut ato mesazhe paqeje dhe mbështetjeje”, ka shtuar Mandiq.
Ai bëri të ditur se sot është biseduar për ekonominë, për hidrocentralin “Buk Bijela” dhe për liqenin e Bileçkos.
Mandiq tha se ai është i gatshëm të bisedojë me të gjithë politikanët në rajon në të njëjtën mënyrë siç flet me Dodikun.
Dodik tha se si president i RS, ai është në Mal të Zi “për të mbështetur paqen, stabilitetin dhe zhvillimin e Malit të Zi dhe angazhimin e tij për anëtarësim në Bashkimin Evropian”.
Thuhet se ata në RS janë të përkushtuar ndaj BE-së, por janë kundër anëtarësimit në NATO.
“NATO bombardoi RS, Serbinë dhe Malin e Zi pa një vendim të Këshillit të Sigurimit. Ne respektojmë të drejtën e Malit të Zi për të vendosur për të gjitha çështjet,” u tha Dodik gazetarëve.
“I uroj të gjithëve – shqiptarëve, boshnjakëve, malazezëve – gjithë të mirat. Por pozicioni im kërkon që unë të mbështes serbët kudo që janë. Meqë ne e respektojmë komunitetin malazez në RS, në pushtet kishte anëtarë të atij komuniteti. Ne presim që kombi serb në Mal të Zi të përfaqësohet në atë mënyrë”, tha ai.
Sipas tij, nëse BiH përdoret për të përçmuar RS-në, „siç ka bërë Milo Gjukanoviq, komuniteti serb e ka bërë të pamundur këtë.
“Përmes Mandiqit, ne po zhvillojmë marrëdhëniet më të mira me Malin e Zi. Përmes Dejtonit, RS ka të drejtën e marrëdhënieve të veçanta me fqinjët e saj dhe për këtë arsye ata duan të krijojnë një marrëveshje me Malin e Zi. Ne besojmë se nuk ka asnjë arsye që Mali i Zi të mos e pranojë. Marrëveshja iu dorëzua Mandiqit.
Nuk është asgjë kundër BiH, por kjo është një marrëveshje në fushën e ekonomisë, sportit, arsimit dhe kulturës. Do t’i shqetësojë disa në Sarajevë, por është e ligjshme. Mali i Zi duhet ta kishte bërë më herët”, tha Dodik./TheGeopost/
Kosova dhe SHBA forcojnë bashkëpunimin ushtarak me marrëveshjen CISMOA 
Verifikim faktesh: Macron, Merz dhe Starmer në shënjestër të pretendimeve ruse për “kokainë” 
Danimarka do të shpenzojë 830 milionë euro për mbrojtjen e Ukrainës në emër të BE-së 
“E turpshme të shkosh në Moskë dhe të duartrokasësh Putinin”, BE ‘sulmon’ Vuçiqin dhe Ficon 
Bugajski për The Geopost: Lufta po kthehet në favor të Ukrainës 
Kievi tha se zbuloi një rrjet hungarez të spiunazhit, Budapesti dëbon diplomatë ukrainas