Kurti: Stabilizimi i veriut ka ndikuar dukshëm në sigurinë e vendit dhe atë rajonale

Falë bashkërendimit institucional, bashkëpunimit profesional dhe ndërveprimit operacional, nga organet e inteligjencës, sigurisë dhe drejtësisë, siguria nacionale e Republikës së Kosovës është përmirësuar shumë sepse është shtrirë çdokund e gjithandej territorit dhe është shtuar si asnjëherë më parë, ka thënë të dielën kryeministri në detyrë, Albin Kurti.

Sipas tij, si rezultat i masave dhe veprimeve të ndërmarra siguria është përforcuar në vazhdimësi përgjatë viteve të fundit, veçanërisht në katër komunat në veri ku problemet e sigurisë ishin me të theksuara.

“Gjendja e sigurisë në veri ka qenë e rëndë për shkak të ndikimit dhe rolit të Serbisë por edhe masave të institucioneve të Republikës së Kosovës në të kaluarën të cilat ishin asimetrike me nivelin e kërcënimit… Veriu i Kosovës nga një regjion me prani jo vetëm të terroristëve dhe kriminelëve serbë, por edhe një nga lokacionet më proruse, tashmë është stabilizuar dukshëm. Stabilizimi i situatës në këtë pjesë, ka ndikuar pozitivisht përveç sigurisë së përgjithshme të Republikës së Kosovës edhe në atë rajonale”, ka thënë ndër të tjera ai në një status në Facebook.

Progresi përgjatë viteve në raport me zvogëlimin e ndikimit të Serbisë, përmirësimi i situatës së sigurisë në katër komunat në veri, garantimi i lëvizjes së lirë, operimit të bizneseve, fuqizimi i sundimit të rendit dhe ligjit atje, sipas Kurtit, kanë ndikuar në një ambient me të sigurt, jo vetëm në katër komunat veriore, por edhe në vendbanimet tjera me shumicë serbe.

Ai ka renditur edhe aspektet kryesore ku ka pasur progres të vazhdueshëm dhe thelbësor:

https://www.facebook.com/albini2017/posts/inteligjenca-e-siguris%C3%AB-nacionale-n%C3%AB-kosov%C3%ABduke-ju-falenderuar-bashk%C3%ABrendimit-in/1260920972068294/

/The Geopost/