Drashkoviq: Serbia duhet të distancohet nga Putini, përndryshe do të jetë Siria ballkanike

Presidenti i Lëvizjes për Ripërtëritjen Serbe (SPO) dhe ish-kreu i diplomacisë së RFJ-së, Vuk Drashkoviq, ka thënë për N1 se Serbia duhet të distancohet nga Rusia dhe Putini, ose, siç tha ai, do të bëhet “Venezuela ballkanike” ose “Siria ballkanike”. “Ne duhet të shkojmë në anën e qytetëruar të botës dhe një ditë Rusia do të kthehet, kur e keqja të ketë mbaruar, kur njerëz të rinj të udhëheqin Rusinë dhe ajo do të kthehet në anën e qytetëruar të botës”, theksoi Drashkoviq. Ai gjithashtu thotë se në Ukrainë po bëhet një luftë dhe se nuk është e vërtetë se bëhet fjalë për një “operacion special ushtarak”. “Atëherë libri i Tolstoit duhet të quhet “Operacioni i Madh Special dhe Paqja”, tha ai.

“Putini shpalli agresionin kundër Ukrainës me fjalët – se Ukraina është një gabim historik, një shtet i rremë që nuk duhet të ekzistojë. Para deklaratës së Putinit, propaganda e KGB-së, UDB-së serbo-ruse, përsëriste pa pushim këtu se BeH është shtet fals, se Kosova është shtet fals, se Mali i Zi është gabim historik. Këta njerëz nuk janë për evropianizimin e Ballkanit, ata janë për Putinizimin e Ballkanit”, ka theksuar Drashkoviq.

I pyetur se pse Ballkani është kaq interesant për fuqitë e mëdha, si ato në lindje ashtu edhe në perëndim, Drashkoviq tha se ai ishte duke folur për një “qasje civilizuese”.

“Perëndimi nuk është sigurisht ai që do që ne të urrejmë njëri-tjetrin këtu, të vrasim njëri-tjetrin përsëri, Perëndimi dëshiron që ne t’i bashkohemi atij rrethi qytetërues njerëzish në Evropë. Rusia dëshiron të kundërtën. Rusia e Vladimir Putinit, dhe jo ajo e vitit 2000, por kjo tani, është në interesin e tij që vazhdimisht të nxisë konflikte, urrejtje në Ballkan, të presë një moment të favorshëm për ndonjë fatkeqësi këtu, që Rusia të ankorohet këtu, para së gjithash te populli serb”, tha ai.

Sipas tij, ajo “Putinofili” u bë agresive “pas 16 tetorit 2014, kur Putini vizitoi Beogradin dhe kur Tomislav Nikoliq e puthi nëntë herë dhe organizoi një paradë ushtarake për të”.

“Megjithatë, argumenti më i zakonshëm për t’iu bashkuar Rusisë është se vendi mbron Kosovën dhe Metohinë dhe është kundër pavarësisë së Kosovës”.

“Njerëzit në Serbi janë viktima të këtyre të pavërtetave themelore që propaganda i ka prodhuar në mite thuajse kulte kombëtare. Fakti që Rusia e mbron Kosovën është e pavërtetë. në Kosovë dhe ajo duhej të tërhiqte të gjitha simbolet e saj të pushtetit”, thotë Draškoviq.

Sipas Rezolutës 1244, bisedimet për statusin e Kosovës janë mbajtur në Vjenë në vitin 2006, tha ai.

“Unë isha ministër i Punëve të Jashtme, Serbia përfaqësohej nga Boris Tadiq dhe Vojislav Koshtunica. Ndërmjetësi ishte i dërguari special Martti Ahtisaari. Ai duhej t’i përmbahej katër parimeve në Vjenë me zërin e Rusisë: së pari – moskthimi i Serbisë në Kosovë dhe Metohi, nuk ka kthim në gjendjen para miratimit të rezolutës 1244, e dyta – nuk ka ndarje të Kosovës, e treta – nuk ka bashkim të Kosovës me Shqipërinë dhe e katërta – shqiptarët duhet t’i garantojnë të drejtat maksimale popullit serb dhe të mbrojnë trashëgiminë kulturore serbe”, shpjegoi ai.

Ai thotë se Rusia ka votuar për të katër parimet, por në momentin kur është dashur të miratohet propozimi i Ahtisaarit, Rusia, ka thënë Drashkoviq, “ka kërkuar të bëjë tregti”.

Ata thanë – ne i mbështesim të gjithë, me kusht që Abkhazia, Osetia dhe Transnistria të marrin të njëjtin status. Në vërejtjen se rusët votuan si në Grupin e Kontaktit ashtu edhe në KS, ata u përgjigjën – ky ishte interesi ynë atëherë, ky është tani. Ukraina  atëherë nuk ishte në lojë”, tha Drashkoviq.

Sipas tij, precedenti i Kosovës nuk është precedent./N1