Njëqind ditë pas agresionit, Rusia kontrollon një të pestën e territorit të Ukrainës

Rusia, pas njëqind ditë agresioni kundër Ukrainës, ka kontroll mbi 20 për qind të territorit të vendit, pra gati 125 mijë kilometra katrorë janë në duart e forcave ruse dhe vija aktuale e frontit shtrihet për më shumë se 1000 kilometra. Kështu ka bërë të ditur presidenti i Ukrainës, Volodymyr Zelensky, duke iu drejtuar Parlamentit të Luksemburgut,  ku ka theksuar se në agresion janë të përfshirë të gjitha formacionet ushtarake ruse të gatshme për luftë.

Agresioni, të cilin presidenti rus Vladimir Putin e quajti një “operacion special ushtarak që synon çmilitarizimin dhe denazifikimin e Ukrainës”, filloi më 24 shkurt me sulme ajrore në të gjithë Ukrainën.

Pas kapjes së aeroportit Antonov, parashutistët rusë u nisën për të pushtuar periferitë e Kievit, me ndihmën e tankeve nga drejtimi i Bjellorusisë. Luftimet me shumë viktima zgjatën gati 40 ditë. Sulmi i parashutistëve rusë në periferi të Kievit, Bucha u kthye në një masakër. Pas një beteje të ashpër, rusët pushtuan edhe Mariupolin, një qytet port në Detin Azov dhe një mulli çeliku.

Në bisedimet ndërmjet delegacioneve të Moskës dhe Kievit më 29 mars, Rusia premtoi të reduktojë operacionet e luftës në rajonin e Kievit. Pasoi tërheqja e ushtrisë ruse dhe dorëzimi i termocentralit bërthamor të Çernobilit.

Sipas Ministrisë Britanike të Mbrojtjes, pas njëqind ditë lufte, Rusia mori nën kontroll pjesën më të madhe të Donetskut të Veriut dhe ai qytet është strategjikisht i rëndësishëm për pushtimin e të gjithë rajonit lindor, Luganskut. Mediat perëndimore (BBC) shkruajnë se “prioriteti absolut i Moskës është çlirimi i rajoneve të Donetskut dhe Luhanskut, të cilat Federata Ruse i ka njohur si shtete të pavarura”.

Rusia tashmë kontrollon pjesën më të madhe të Donetskut të Veriut, ku luftimet e ashpra në rrugë kanë vazhduar për ditë të tëra dhe pas një sërë humbjesh ushtarake në javët e para të luftës rreth kryeqytetit ukrainas Kiev dhe verilindjes, Rusia ka thënë se do të fokusohet në okupimin Luhansku dhe rajoni i Donetskut, tw cilwt bashkw e bëjnë Donbassin.

Analistët perëndimorë besojnë se Putini priste një luftë të lehtë me rezistencë të dobët nga Ukraina dhe kundërshtarët ndërkombëtarë, siç ishte rasti në Krime në vitin 2014  dhe se ai tani është sigurisht i zhgënjyer.

Për shkak të agresionit ndaj Ukrainës, Perëndimi vendosi sanksione ndaj Rusisë dhe pati një rritje të çmimeve të karburanteve dhe ushqimeve në vendet larg vendit të konfliktit.

Ukraina ka mbështetjen e Perëndimit, Shtetet e Bashkuara njoftuan (1 qershor) se ndihma e re në armë do të jetë 700 milionë dollarë.

“Ne reaguam shpejt për të dërguar një sasi të konsiderueshme armësh dhe municionesh në Ukrainë, në mënyrë që ajo të mund të luftojë në front dhe të jetë në pozicionin më të fortë të mundshëm në tryezën e negociatave. Ne nuk po kërkojmë një luftë midis NATO-s dhe Rusisë,” shkroi Biden në tekstin autorial në New York Times.

Pothuajse shtatë milionë njerëz janë larguar nga Ukraina

Që nga fillimi i pushtimit rus të Ukrainës, pothuajse 12 milionë ukrainas kanë lënë shtëpitë e tyre dhe më shumë se pesë milionë prej tyre, kryesisht gra dhe fëmijë, kanë shkuar jashtë vendit, tha Presidenti i Ukrainës, Volodymyr Zelensky. Ai gjithashtu pretendon se humbjet ushtarake të Rusisë tani arrijnë në më shumë se 30,000 – më shumë se totali i viktimave sovjetike gjatë luftës së viteve 1979-89 në Afganistan dhe dy luftërave në Çeçeni në 1994-2000.

Sipas të dhënave të shpallura nga Rusia, më shumë se 1300 forca të saj u vranë në Ukrainë.

Sipas Kombeve të Bashkuara, 4074 civilë janë vrarë dhe rreth 6.8 milionë njerëz janë larguar që nga fillimi i luftës më 24 shkurt.

Mesazh nga Cetinja: Asnjë sakrificë për liri nuk është e kotë

Qytetarët e Cetinjës do të mblidhen në qendër të kryeqytetit malazez në ditën e 100-të në mbështetje të popullit heroik ukrainas në luftën për liri.

Mesazhi kryesor nga tubimi i djeshëm ishte: “Asnjë sakrificë për lirinë nuk është e kotë!” Sipas mediave malazeze, para ndërtesës së ish-ambasadës ruse në Cetinje është luajtur himni i Ukrainës, i cili është pritur me duartrokitje nga qytetarët e mbledhur./The Geopost